Video: Eerste besending entstowwe kom in SA aan

Die entstof word afgelaai. (Foto: GCIS)

Suid-Afrika se eerste besending van die Covid-19-entstof het veilig op die OR Tambo-lughawe in Kempton Park aangekom.

Pres. Cyril Ramaphosa en sy adjunk, David Mabuza, het die besending by die lughawe in ontvangs geneem.

Die AstraZeneca-entstof is in samewerking met die Oxford-universiteit ontwikkel en deur die Serum-instituut in Indië vervaardig.

Pres. Cyril Ramaphosa en die minister van gesondheid, dr. Zweli Mkhize, by die OR Tambo-lughawe. (Foto: GCIS)

Die aankoms van die eerste besending entstof in Suid-Afrika is deur Ramaphosa as die grootste en ingewikkeldste logistieke entstofprogram in die land se geskiedenis beskryf. Hy het gesê die doel van die entstofprogram is om kudde-immuniteit teen Covid-19 te bereik. In die eerste fase van die entstofprogram sal die land se 1,2 miljoen gesondheidswerkers ingeënt word.

Maroela Media het vroeër berig dr. Zweli Mkhize het verlede week in afwagting van die eerste besending van die Covid-19-entstof gesê dit is ’n enorme prestasie vir Suid-Afrika om sy eerste entstof minder as ’n jaar ná die uitbreek van die pandemie aan te skaf.

Suid-Afrika het sedert die uitbreking van die virus in Maart verlede jaar meer as 1 453 000 bevestigde Covid-19-gevalle aangemeld. Die sterftesyfer weens Covid-19 staan tans op 44 164.

(Skermgreep: GCIS/Twitter)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Kokerboom

Rerig?? Het die presidente niks beter om te doen deur ANC reklame te doen. Wat is koste van die gevolg en is dit regtig nodig. Dit laat klaar vir my rooi vlae opgaan. Hou die ruimte dop Tito!!
Ek is dankbaar dat dit opgedaag het!

Probeer verstaan

Waar kry julle die eerste foto dit het honde en katte gereen toe hulle aflaai.Vanaand party die @NC weer te lekker.Kom Pres.spuit julle maar eerste in.Soos wolwe om daai inenting.

Sarel

In watter Pakhuis gaan dit beland

Samuel

Die hooggeplaastes gaan eerste ingeënt word, NIE die gesondheidswerkers nie.

Danie

Hoop nie die word ook vrot nie!