Video: EFF wil na Pretoria-aftreeoord opruk

’n Skermskoot van die EFF se betoging buite Huis Herfsblaar op 21 Julie.

Lede van die EFF beplan om Woensdag om 10:00 vir ’n tweede keer na Huis Herfsblaar, ’n aftreeoord in Queenswood, Pretoria, op te ruk oor beweerde rassisme teenoor werknemers.

Baatseba Nchabeleng, organiseerder van die optog, het dit Dinsdag aan Maroela Media bevestig.

Maroela Media het vertroulik verneem dat werknemers van dié aftreeoord sedert verlede week weens loongeskille staak. Die EFF beweer op sosiale media dat vuurwapens op stakende werknemers gerig is en dreig ook met ’n strafregtelike saak teen ’n private veiligheidsmaatskappy in verband met dié voorval.

Die aftreeoord het nie Maandag of Dinsdag op navrae in dié verband gereageer nie. Familielede van inwoners het egter aan Maroela Media gesê die bejaardes is angsbevange.

Obakeng Ramabodu, een van die EFF se leiers in Tshwane, skryf op Twitter dat die EFF “wit Afrikaner-rassiste” Woensdag van aangesig tot aangesig sal konfronteer.

“Ons is nie ’n lafhartige generasie nie,” lui die inskrywing verder.

Dit sal die tweede keer in twee weke wees dat die EFF by dié aftreeoord betoog.

Ramabodu het op 21 Julie ’n video op Twitter geplaas waar lede van dié party voor Huis Herfsblaar sing en dans.

’n Familielid van een van die inwoners het aan Maroela Media gesê dat inwoners sedert verlede week “heeltemal angsbevange” is.

“Die slotte van die aftreeoord is Dinsdag vervang en inwoners is aangesê om nie uit hul kamers te kom nie.

“Sommige inwoners se kinders het hulle reeds gaan haal.”

Volgens die familielid is die inwoners ook aangesê om nie “uit te praat” nie.

Verskeie mense het intussen op Facebook aangedui dat hulle die EFF Woensdag sal teenstaan.

Die jeugorganisasie Bittereinders het op sy Facebook-blad aangedui dat die bestuur van die aftreeoord hulle glo om hulp genader het om bejaardes en eiendom te beskerm.

“Ons sal daar wees, ons sal saamstaan. Almal welkom. Kom maak ’n standpunt die rasmalheid in Suid-Afrika,” lui die inskrywing. Dié plasing is intussen 578 keer gedeel.

Devon Hofmeyr, seun van Steve Hofmeyr, het ook op Facebook geskryf “ons sien julle daar”.

“Die EFF begin nou ons ou mensies teiken by die enigste plekke waar hulle nog kan woon. Vir te lank was ons sag gewees teenoor die EFF.”

Llewellyn Hemmens, veiligheidskoördineerder by AfriForum, sê die organisasie is met die aftreeoord in kontak en sal ondersteuning bied indien nodig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

54 Kommentare

jongste oudste gewildste
ABDP

Kyk net die EFF se spelling op twitter………..die woonbuurt se naam is verkeerd gespel. Ek hoop hulle daag by die regte plek op.

Werner

Dink ons moet ook more maar kyk dat die ou mense veilig is.

Debbie

As hulle hul monde oopmaak kom net een woord uit en dit is rassisme. Dit raak nou n vervelige storie

Kokkie

Ek hoop van harte dat die Pretorianers in groot getalle sal opdaag om Huis Herfsblaar en sy bejaarde inwoners te beveilig. Dit het in die onlangse plundertogte baie goed gewerk. As die polisie nie hul werk kan doen nie, moet die gemeenskappe self inspring.

Jasper

Huis herfsblaar moet die eff se moeders teruggee en ons mense aanstel,want daar is so baie wat te bly sal wees om die werk te doen.