[Video en foto’s] ‘Oorlog’ by Wits

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Skokgranate en rubberkoeëls is Dinsdagoggend op die kampus van die Universiteit van die Witwatersrand (Wits) afgevuur nadat ʼn skermutseling tussen honderde betogende studente en die polisie gewelddadig geraak het.

Klasse sou Dinsdag by die universiteit se Braamfontein-kampus hervat word, maar die betogende studente het geweier dat dit gebeur. Hulle het weereens by klasse ingestorm, lesings ontwrig en studente wat klasse bygewoon het uit die klaskamers verwyder. Hulle het ook skoonmakers en ander werkers by die universiteit aangesê om te staak.

Sherona Patel, die woordvoerder van die universiteit, het ʼn beroep op studente en personeel gedoen om nie die klaskamers te verlaat nie, maar binne die geboue te bly totdat die polisie die situasie in bedwang kan bring.

Studentebetogings op die Wits-kampus Dinsdag, 4 Oktober 2016. Foto: Twitter via @OnJourneyOf_

Studentebetogings op die Wits-kampus Dinsdag, 4 Oktober 2016. Foto: Twitter via @OnJourneyOf_

Twee studente is tydens die skermutseling met die polisie in hegtenis geneem, voordat die polisie skokgranate begin afvuur het om die studente uitmekaar te jaag. Volgens die polisie is die studente in hegtenis geneem omdat hulle ʼn hofbevel verontagsaam het waarvolgens studente nie toegelaat word om in groepe van meer as 15 mense saam te drom nie.

Een van die studente wat in hegtenis geneem is, Busisiwe Seabe, is ʼn lid van die EFF-studentekommando en ʼn betogingsleier by Wits. Seabe het vir joernaliste vanuit die venster van die polisievangwa gesê sy is in hegtenis geneem omdat sy “te veel vrae gevra het”.

“Ek het die polisie gevra vir meer besonderhede van die student wat hulle eerste in hegtenis geneem het sodat ons sy familielede in kennis kan stel. Hulle het net gesê ek moet ophou vrae vra,” het sy gesê.

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Wits is verlede week gesluit nadat gewelddadige betogings deur studente wat gratis tersiêre onderrig eis die kampus tot stilstand gedwing het. Vrydag het 77% van studente in ʼn aanlyn peiling gestem dat lesings by die universiteit vandag hervat moet word. Daar het egter slegs 45% van al die Wits-studente aan die peiling deelgeneem.

Dali Mpofu, die EFF se voorsitter, het studente Dinsdag toegespreek en gesê hul stryd vir gratis onderrig is haalbaar. “Ek dra nie ʼn politiese hoed hier nie. Ons is hier as besorgde landsburgers en ouers. Ons doen ʼn beroep op almal wat luister, of jy ʼn voormalige student of ʼn ouer van ʼn student is, kom hiernatoe om te kom luister wat aangaan en moenie op die media staatmaak nie,” het Mpofu gesê.

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

Studentebetogings op die Wits-kampus Dinsdag, 4 Oktober 2016. Foto: Twitter via @Abramjee

“Dit is jou stryd en niemand moet toegelaat word om oor te neem nie. Ons sal jou nie oordeel nie. As die polisie ons kinders wil skiet, sal hulle ons eerste moet skiet.”

Ander mense wat ook opgedaag het om die betogende studente te ondersteun was Pumla Gqola, ʼn Wits-dosent, Siphiwe Dana, ʼn bekende Afro-popsanger, en nog akademiese personeel van die universiteit.

Mcebo Dlamini, die voormalige studenteraadvoorsitter van Wits, het belowe dat hulle nie hul eis vir gratis onderrig sal laat vaar nie – die betogings sal ook nie ophou voordat daar aan hul eis gehoor gegee word nie.

“Comrades, ons is reeds besig met ʼn interdik om die universiteit te verhoed om die koshuise te sluit. Die struggle duur voort. Hierdie instansie sal heeltemal tot stilstand kom,” het Dlamini gesê.

Yusuf Abramjee het hierdie video wat Dinsdag op die Wits-kampus geneem is op Twitter gedeel:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Rynhardt

E-TV het sopas gewys dat Wits soos n oorlogsone lyk! Daai studente wil nie leer nie! Jy kan duidelik die “mob” mentaliteit sien.Ek wil graag van die polities korrekte ekonome en kommentators verneem.Watter belegger gaan bele in n onstabiele land wat al hoe meer ontaard in chaos??

Riana71

Miskien moet die universiteite gaan kyk na die betogende studente se “punte”. Dalk, wie weet, sou die stakendes in elk geval nie die akademiese jaar geslaag het nie. Wat my regtig bekommerd is dat akademiese personeel van die universiteit die betogers “ondersteun” het. Regtig?

Ali

Sjoe ja en dis die mense waaronder ons eendag sal moet werk en ons land moet lei… dis ons belasting geld wat so gemors word. Ek kan nie eens n ordemdelike kar koop nie maar hul draai n R500000 se SAPS voertuig op sy tesame met miljoene rande se ander skade sover. En dit is reg????? As ek miljoene gehad get sou ek verseker nie in SA bele het nie. Watse voorbeeld stel ons???? Dit is belaglik seriouslly!!!!!!

Johanna Botha

Genadendal hier kom dit nou Blade ! Net wat julle voor gevra het met julle lee beloftes …dankie Zuma !

Wessie

Nee wat dit het tyd geraak dat anargiste vasgevat word met dieselfde geweld as waarmee hulle geweld pleeg. Indien jy so optree moet jy mos nie bang wees vir seerkry nie. Vuur met vuur boetie.