[Video] Oproerigheid by Tuks oor taalbeleid

Lede van die polisie en kampussekuriteit probeer betogers uitmekaar dryf. Foto: AfriForum

Lede van die polisie en kampussekuriteit probeer betogers uitmekaar dryf. Foto: AfriForum

Gemoedere het Donderdag hoog geloop op die hoofkampus van die Universiteit van Pretoria (UP) na ʼn openbare vergadering om die universiteit se taalbeleid te bespreek.

Talle lede van die Ekonomiese Vryheidsvegters (EFF) het hulself teen Afrikaans as onderrigtaal uitgespreek, terwyl AfriForum Jeug die eis ten sterkste teengestaan het. AfriForum Jeug het ook ʼn memorandum aan prof. Niek Grove, registrateur van UP, oorhandig.

Ná die oorhandiging het lede van die EFF oproerig geraak en lede van die polisie moes ingeroep word. Volgens AfriForum Jeug het die EFF hul lede met verskeie wapens aangerand. Die groep sal nou een van hul lede, wat in die voorval beseer is, bystaan met ʼn saak van aanranding wat Donderdag teen Amla Mingose Nagih, ʼn EFF-leier op UP, aanhangig gemaak is.

Morné Mostert, AfriForum Jeug se nasionale koördineerder, het Donderdag gesê die aantal studente wat by die openbare vergadering opgedaag het, is bewys daarvan Afrikaans is vir duisende studente belangrik. “Prof. Grove het aan AfriForum Jeug die versekering gegee ons sal binnekort na ʼn vergadering genooi word om óns kant van die saak te stel,” het hy gesê.

Intussen het die universiteitsbestuur Donderdagaand op Facebook aangekondig aangesien Donderdag se vergadering opgeskort moes word, die vergadering met studentegroepe wat vir Vrydag geskeduleer is, uitgestel word.

Die onderskeie studentegroepe is gevra om eerder hul terugvoer oor die voorgestelde wysigings in die universiteit se taalbeleid per e-pos aan die universiteit te stuur. Hierdie wysigings sluit onder andere in dat Engels die primêre onderrigtaal in alle klasse sal wees en dat Afrikaans en Sepedi slegs gebruik sal word om addisionele ondersteuning vir studente tydens praktiese klasse en besprekings te bied.

Die universiteit het later ook op die sosialemediaplatform gesê die kampus sal Vrydag oop wees en klasse sal gewoonweg voortgaan. “Geen onderbreking van akademiese aktiwiteite of enige onwettige optrede sal geduld word nie. Ekstra sekuriteit sal ontbied word indien nodig,” het die universiteit gesê.

AfriForum het ʼn video van Donderdag se voorval op sosiale media gedeel:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

50 Kommentare

jongste oudste gewildste
Dries

Baie geluk ouens, jul het jul baie goed gedra en die saak mooi hanteer met goeie self- beheersing.Julle het jul man goed gestaan!!!

Christo

Kan nie sien hoe jy n afrika resep met n westerse resep saam in n pot gooi ek dink dat dit gaan werk nie.Ons probeer dit doen deur net n deksel op te sit maar is bevrees die druk gaan dit later afskiet.Hierdie is nie siening wat gebaseer is op n voorspelling nie maar eerder op lesse uit die afrika geskiedenis.

Kobie

Probleem met die Blankes is is dat ons te ordentlik opgevoed is … dieselfde het verlede jaar op die NWU se Potchecfstroomse Kampus gebeur … Blankes moes al die verwyte en haatspraak aanhoor … dis hoogtyd dat ons weer ophou stilbly en iets drasties daaromtrent doen.

Eli

As jul nou moles wil he…sit n paar menopausal opgewerkte vroue in die voorste linie..daar waar die paplepel die swartpot slaan.
Welgedaan jonges. .dit vat mannemoed om so kalm te bly..maar eks bevrees sodra daar n skermutseling gaan plaasvind…..liewers nie dink daaraan nie

Herman

Christo. Baie mooi gese.