Video: Herrie ná Ashwin Willemse van Supersport-stel stap

‘n Skermskoot uit die video.

Ashwin Willemse, voormalige Springbokvleuel en Supersport-spelontleder, het Saterdagaand ʼn herrie ontketen toe hy tydens ʼn regstreekse uitsending van die stel van ʼn Supersport-program afgestap het ná ʼn woordewisseling met Nick Mallet en Naas Botha.

Die voorval het plaasgevind ná die wedstryd tussen die Lions en die Brumbies op Ellispark in Johannesburg. Die Lions het die wedstryd met 42-24 gewen.

Hoewel dit nog nie duidelik is wat aanleiding gegee het tot die uitbarsting nie wys ʼn brok beeldmateriaal wat op sosiale media rondgestuur word dat Mallet en Botha vir Willemse sê dit is nou sy beurt om te praat. Willemse dring dan aan hy wil hulle opinie hoor, Mallet gesels ʼn klein rukkie en dan vind die voorval plaas.

“Jy weet wat, ek speel al lank hierdie sportsoort, nes almal van ons hier. Ek as ʼn speler is vir ʼn lang tyd as ʼn kwotaspeler bestempel en ek het hard gewerk om my eie respek in dié spel te verdien, ek gaan nie verkleineer word deur twee individue wat in apartheid, ʼn gesegregeerde era, gespeel het en my wil kom ondermyn nie. Ek dink ek het nou genoeg gehad, ek kan nie met mense werk wat ander ondermyn nie.”

Daarna stap hy na Mallet en Botha en sê: ‘Julle kan maar daar sit en lag’, waarop Mallet antwoord: ‘Ek lag nie daaroor nie.’

“Julle weet presies wat gebeur het, dis reg so, ek gee nie om om verspot te wees nie. Ek is bly dit gebeur op regstreekse televisie sodat mense kan sien, julle twee sit hier – nee dis reg [sic].”

En dan stap hy van die stel af.

Supersport het intussen op Twitter gereageer en gesê hy beskou die voorval in ʼn ernstige lig. “Ons sal ʼn volledige ondersoek van stapel stuur en onderhoude voer met alle relevante partye.”

Sosialemediagebruikers het uiteenlopend gereageer met sommige wat meen Willemse se optrede was uiters onprofessioneel en ander wat meen hy het die regte ding gedoen en “die onderdrukkers op hul plek gesit”.

Kyk die video hier:

‘n Langer weergawe van die video kan hier gekyk word:

https://www.youtube.com/watch?time_continue=3&v=POnFqpz3pWY

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

146 Kommentare

jongste oudste gewildste
Bibbies

Shame! Hy kry seker te min aandag nou is dit weer ñ rasse kwessie en ondermyning…Nou sny hy sy neus af om sy gesig te spite!!

Ad

Gaan hulle 2 ook nou hulle werk verloor en moontlik 2 jaar kry?

Anet

Dit was uiters swak van Ashwin, maar die res het dit goed hanteer, die arme dame wat die show moes red. Hats off to you, you did well. Sy verdien al die respek in die wêreld. Ek het egter geen, maar geen, respek meer vir Ashwin nie. Dit was sy besluit om af te stap en ek hoop Supersport hou hom af! Dit was uiters onprofessioneel en kinderagtig en reflekteer bitter sleg op Supersport. Goodbye, Ashwin and thanks for leaving. We don’t need you and we don’t want you!

Piet Snot

Kinderagtige optrede.
Wat ookal sy pyn is, só tree beskaafde mense nie op nie.

Willem

Lyk my dit was ‘n slegte teken dat die twee spanne se tellings ‘n spieëlbeeld van mekaar was.