Inwoners van twee veiligheidskomplekse in die suide van Johannesburg moes hul wonings Sondagoggend ontruim nadat ʼn hoofstroomwaterpyp gebars en ʼn fratsvloed veroorsaak het.
Volgens die Glenvista-gemeenskapspolisiëringsforum (GPF) moes sommige inwoners van Tiffany Gardens en Bassonia Rock in Bassonia hul huise ontruim nadat die waterpyp omstreeks 04:00 gebars en vloede veroorsaak het.
“Sommige mense was in hul eenhede vasgekeer en moes deur beamptes van die brandweer gered word,” het die GPF gesê.
Ingenieurs van Joburg Water is op die toneel om die gebarste pyp te herstel.
Beamptes van die polisie se soek-en-reddingseenheid is na toneel ontbied om seker te maak rekenskap kan van alle inwoners gegee word.
Sover vasgestel kan word, is geen ernstige beserings aangemeld nie.
Opvolg: [Video] Skade ná gebarste hoofwaterpyp fratsvloed veroorsaak
Al die water wat almal so bespaar het in n oogwink weer vermors
En ons dink hier in die binneland geen tsoenami sal ons nooit ooit tref nie.
Niagra waterval in Jhb ?
Weereens geen onderhoud op die bestaande pype. Almal word dan onder een hamerkop geplaas om water te bespaar sodat ons genoeg water in die vaaldam kan hê deur die departement water, dan gebeur dit en hulle kom nie hulle deel van die kontrak na nie.
Masiewe eise wat op pad is hier!
Weereens n bewys dat bevoegdheid ontbreek op alle vlakke.
Presies Scalla, presies.
Ek wonder of di geboue nog veilig gaan wees.
Hoe veilig is die geboue na al daai water?
ONBEVOEGDE BESTUUR!!