[Video] Jhb-vrou vertel van wrede aanranding

Debi Serra na die aanranding. Foto: Facebook

Debi Serra na die aanranding. Foto: Facebook

“Ons nasie is besig om kwater en kwater te word. Ek weet regtig nie waarom hulle my so erg moes slaan nie.”

Só het Debi Serra, ʼn Johannesburgse vrou, gesê net ʼn week nadat drie gewapende rowers die venster van haar motor stukkend geslaan en haar so erg aangerand het dat sy ʼn paar dae in die Netcare Sunninghill-hospitaal se trauma-waakeenheid spandeer het.

Serra het omstreeks 11:45 op 31 Mei in die oprit voor haar huis gewag vir die hek om oop te gaan, toe die rowers toegeslaan het. Sy vertel hulle het haar herhaaldelik met vuurwapens en hul vuiste in haar gesig geslaan. Hulle het met haar juweliersware en ander besittings op die vlug geslaan en haar bloeiend en bewusteloos in die motor agtergelaat.

Serra se dogter, Gabi, ʼn tweedejaar student aan die Universiteit van die Witwatersrand, het gesien hoe die aanval gebeur en kon vinnig hulp ontbied. Gabi is later die aand ook in die hospitaal opgeneem nadat sy ‘n epileptiese toeval gekry het, glo weens die trauma daarvan om haar ma se aanranding te aanskou.

Debi Serra na die aanranding. Foto: Facebook

Debi Serra na die aanranding. Foto: Facebook

Nadat sy uit die hospitaal ontslaan is, het Serra ʼn video op Facebook geplaas waarin sy van haar traumatiese ervaring vertel en hoe sy en haar gesin dit hanteer. Die video is sedertdien reeds meer as 3 500 keer gekyk.

“Ons sal nie toelaat dat hierdie wrede voorval ons voorneme om fisies en emosioneel van hierdie ervaring te herstel negatief beïnvloed nie. Die kriminele element tussen ons het nie die mag om wie ons is te oorskadu of ons gees te oorwin nie,” het sy gesê.

And so, for the second time in 20 years I find myself surrounded by emergency medical staff trying to resuscitate one of my family. This morning at approximately 11H45, three gun wielding criminals beat Debi to a pulp in an attempt to high jack her car and steal her jewelry outside our home. While waiting for the electronic gates to open, these callous criminals sped up behind her, climbed out with guns, broke the window and continued to punch and smash her face with fists and guns. They managed to get away with her jewelry and other stuff, but left her bleeding and concussed in the car.Thank God, Emergency medical staff, ADT, police and neighbors were quick to respond and stabilized her on the scene. She is currently stable in Sunning Hill Hospital trauma ward and we are awaiting the results of the MRI scans.It is true – your life can change in split second. Cherish every moment.Please keep Debi in your prayers for a speedy and full recovery.

Posted by Antonio Serra on Sunday, June 5, 2016

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Stefaans

Wreedheid is deel van hierdie mense se geaardheid, of ons dit nou wil erken of nie.

Hasie

Ja, mens weet regtig nie meer wat om te sè of te dink nie. Wil net sè, baie sterkte aan Mev. Serra, hoop sy herstel gou weer.

treurgrond

Dit maak mens net helemal helemal kwaad – want onskuldig het sy by haar huis gestop en was toe aangerand – helemal onskuldig. Die aarde raak net scary want mense vat net oor met hulle geweld – en daar is niks strafmaatreels om hulle te stop nie – dit maak my ook helemal net bang.

Koos

Die kundiges kan sê wat hulle wil die aanvalle is gemik op wit mense deur swart aanvallers in eerste wêreld lande sou dit ‘n rassistiese aanval gewees het. Ek wonder wat die opskrif sou gewees het as ‘n swart vrou in Soweto aangeval word deur twee wit mans.

Cherokee

Kwater en kwater is heel buite konteks. Boser en boser is wat gesê moes wees.