Video: Kommer ná ‘EFF’ op winkel toesak

‘n Skermgreep uit die video.

ʼn Sakevrou van Viljoenskroon is bang en vrees vir die veiligheid van haar onderneming nadat ʼn groep mense, talle van hulle geklee in EFF-klere, vandeesweek op haar winkel toegesak en daar gedreig is dat dit geplunder sal word.

Engela Griesel (62) besit ʼn winkel op die dorp wat klereherstelwerk doen en allerhande ander snuisterye verkoop. Haar skoondogter, Lynne Derksen, sê Griesel was Dinsdag alleen in die winkel toe ʼn man haar by die toonbank genader en gedreig het om geld te oorhandig.

Griesel het die veiligheidsmaatskappy ontbied en die man is uit die winkel.

Hy is kort daarna buite die perseel aangekeer.

Derksen sê herhaalde oproepe na die polisiestasie het egter onbeantwoord gebly en lede van die veiligheidsmaatskappy en buurtwag het opgedaag terwyl ʼn skare mense, talle van hulle in EFF-drag geklee, na die winkel opgeruk het.

Derksen sê een van die mans in hierdie groep het onder meer aangevoer dat die man wat volgens Griesel die geld geëis het, geslaan is. In ʼn video wat Griesel se dogter, Suzette Mouton, van die voorval gemaak het, kan gehoor word hoe die man onder meer die polisie vloek. Een van die mans wat Griesel te hulp gesnel het, is oënskynlik ʼn polisielid wat van diens af was.

“Ek is nie bang vir jou nie … F** die polisie …” snou ʼn man in ʼn EFF-hemp en rooi baret hom toe.

“Ek sal daardie mense aansê om hierdie winkel te kom verniel. Ek sê dit nou vir jou … Daar is niks wat jy kan doen nie. Jy is ʼn klein seuntjie. Moenie met daardie neigings hier kom nie. F** jou,” skreeu hy dan weer voor hy uit die winkel storm.

Derksen sê haar skoonma is by ʼn agterdeur uit die winkel geneem en is huis toe waar paramedici haar onder meer met suurstof moes behandel. Sy het vermoedelik ʼn ligte beroerte tydens die voorval gehad en kon vir ʼn ruk nie loop of praat nie.

Mense drom buite die winkel op Viljoenskroon saam.

Sy was boonop vreesbevange dat haar vierjarige kleinseun wat ook tydens die voorval in die winkel was, in die spervuur sou beland. Dit gaan nou weer beter met haar gesondheid.

“Sy is nou beter, maar sy is nog baie bang en huilerig,” het Derksen gesê.

Griesel se winkel het sedert die voorval nog nie weer heropen nie. Derksen sê hulle wou Woensdag ʼn saak by die polisie aanhangig maak, maar kon nie omdat die polisiestasie volgens haar tydelik weens ʼn Covid-19-geval gesluit is.

Hulle gaan ook nou veiligheidsmaatreëls by die winkel opskerp.

Derksen sê hulle het die situasie probeer ontlont en wou nie verdere konfrontasie op enige manier uitlok nie, maar dat hulle die saak beslis nie daar gaan laat nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Kokerboom

Wees voorbereid vir die rooi boewe. Hul is nou op ‘n hoog! Polisie moet wakker word.

Persheks Adri

Nou wanneer gaan iemand iets doen aan die klomp rooi petters? Ons kla en kla oor die klomp ELKE dag en niemand doen iets nie! MRK is so teen ons en ek gaan my mond hou oor die polisie, want regtig ek sal dit verloor.

#TSEK EFF tsek!

katerinadiekat

Daardie eerste man wat ingekom het en haar gedreig het, het dit natuurlik gedoen suiwer om moeilikheid aan die gang te sit. Dis gaan nou seker die nuwe tendens wees, om klein blanke besighede te target vir moeilikheid maak. Op die einde vd dag sal aanlyn besigheid seker nog die enigste opsie vir blankes word.

Ja Wat

As daai man ‘n polisieman was in video wat ek nie glo hoekom het hy nie werk gemaak en hom lt toesluit?En die ander wat daar saambrom is net daar om te kyk wat hulle kan steel as daar probleme is.

LiveAndLetLive

Ons gaan al hoe meer van hierdie arrogansie sien in ons land. Hulle dink hulle is onaanraakbaar – never say never.