Video: Leerder rand glo onderwyser aan

‘n SKermskoot uit die video.

Die Gautengse departement van onderwys het laat hoor dat hulle die omstandighede rondom ʼn voorval by die Three Rivers Secondary School in Sedibeng ondersoek.

ʼn Video van die voorval word wyd op sosiale media rondgestuur.

Steve Mabona, woordvoerder van die departement, het gesê die deapartement het beeldmateriaal onder oë gehad waarin daar gesien kan word hoe ʼn vroulike leerder ʼn skryfboek na ʼn onderwyser gooi in ʼn klaskamer.

“Ons het onmiddellik beamptes na die skool gestuur om die voorval te ondersoek,” het Mabona gesê. Dit is onduidelik presies wanneer die voorval plaasgevind het.

Die beradingsproses het volgens hom vanoggend by leerders en onderwysers van die skool begin.

“Die departement het ook berading aan die onderwyser gebied deur die werknemer-welstandsprogram,” het Mabona gesê.

Volgens hom word die betrokke leerder nou deur ʼn dissiplinêre proses geneem en sal daar gepaste aanbevelings gemaak word.

“Ons maan al ons leerders om hulself nie te wangedra in skole nie en maan ouers ook om die departement by te staan om dissipline te handhaaf in en om die skoolomgewing,” het Panyaza Lesufi, LUR vir onderwys, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

72 Kommentare

jongste oudste gewildste
W van der Merwe

Dit is hoe dit gaan in vandag se skole,geen respek meer nie

O aarde

En dit is ‘n Engelse skopl boonop. Hoe geskok is ek nie nou nie!

Max

Red nou ‘n volk…?

Doempie

Dink net hoe sou ons gatte gebrand het.

Gatvol Juffrou

Ja….. maar die kinders het AL die regte….. Dit is hoekom ons almal die beroep wil verlaat…. Leer jou kind maniere by die huis asb.