Video: Mans rand petroljoggie aan

'n Skermskoot uit die video. Die video volg onderaan die berig.

‘n Skermskoot uit die video. Die video volg onderaan die berig.

WAARSKUWING: Die video is gewelddadig van aard en nie geskik vir kinders of sensitiewe lesers nie.

Twee mans is Saterdagaand in Tzaneen, Limpopo, in hegtenis geneem nadat hulle glo ʼn petroljoggie by ʼn vulstasie aangerand het. Kringtelevisiebeeldmateriaal van die voorval is kort daarna op YouTube gelaai waarin dit as ʼn rassistiese aanval uitgemaak word.

Op die video kan ʼn mens sien hoe twee mans omstreeks 23:20 die petroljoggie herhaaldelik met hul vuiste bydam, terwyl ʼn derde man tussenbeide probeer tree. Die man slaag uiteindelik daarin om die geveg te stop, waarna die video ophou.

Lt.kol. Moatshe Ngoepe, polisiewoordvoerder, het aan Maroela Media bevestig die Tzaneen-polisie ondersoek ʼn aanrandingsaak en die twee mans is kort na die voorval in hegtenis geneem.

Die mans het glo die petroljoggie aangerand omdat die brandstof wat hulle wou hê, nie beskikbaar was nie.

Danie le Roux (27) en Hermanus Martinus van Dyk (36) het Maandag op aanklag van aanranding in die Tzaneen-landdroshof verskyn.

Le Roux is op borgtog van R1 000 vrygelaat en borgtog van R500 is aan Van Dyk toegestaan. Die saak is tot 27 Julie uitgestel vir verdere ondersoek.

Die video is deur Mkhomazi Twala op YouTube gelaai en is teen Woensdag meer as 6 000 keer gekyk. Die beskrywing identifiseer die petroljoggie as Johannes Monyela.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

59 Kommentare

jongste oudste gewildste
Rikku

Liewe Hemel ????
Wat gaan aan met die mensdom ?
Ek haal my hoed af vir die man wat die geveg probeer stop het. Hy het eenvoudig net nie opgegee nie.
Maroela, wie is die man ?
Ons wil hom graag bedank vir sy optrede.

Christo de Klerk

Rassistiese aanval? Wat van die blanke man wat hulle probeer keer het? Hoekom is dit elke keer ‘n rassistiese aanval as ‘n blanke krimineel ‘n swarte aanval, maar as dit anders om is, is dit net misdaad?

Koos

Selfde as die swartes wat die boere op hulle plase aanval is dit rassisties ook die media gebruik dit as sensasie

Johan

Daar is altyd drie kante van n saak joune, myne en die regte een……

Willie E

Vader weet,gaan ons ou blanke afrikaanse volkie nooit leer nie???
Wat de hel is hulle probleem? Sluit hulle toe en smyt die flippen sleutel weg!!!