[Video] Meisie helder oordag oorval, beroof

’n Skermskoot uit die video.

Die 17-jarige Danélle Breedt het verbete teen ’n grypdief terugbaklei terwyl ‘n straatwag bloot toegekyk en toe omgedraai en weggeloop het.

Volgens Jaecqueline Breedt het haar matriekdogter Sondag omstreeks 16:20 van ’n winkelsentrum in Rooseveltpark, Johannesburg, waar sy promosiewerk gedoen het, na ’n vriendin se huis, sowat 500 m verder, gestap.

In kringtelevisiebeeldmateriaal kan gesien word hoe ’n rooi VW Polo naby Danélle in die straat stilhou. ’n Man klim uit die passasierskant en loop na haar. “Hy het haar vir aanwysings gevra en sy het gesê sy weet nie.” Volgens Breedt het die man haar dogter se foon probeer gryp.

’n Stoeiery het uitgebreek waarna Danélle op die grond geval het terwyl die man voortgaan om haar foon te probeer afneem. “Hy het in ’n stadium ’n mes uitgeruk en gedreig om haar dood te maak.” Nadat die man die foon afgeneem het, spring hy terug in die motor en die bestuurder jaag weg.

Volgens Breedt is die straatwag wat in die agtergrond gestaan en toekyk het, intussen afgedank. “Die wagte word deur ’n veiligheidsmaatskappy aangestel en moet straatpatrollies doen. Hulle het nie vuurwapens nie, maar wel ’n paniekknoppie. Hy het nie eens die paniekknoppie gedruk nie.”

Breedt het gesê haar dogter is behalwe vir ’n paar krapmerke en bloukolle ongedeerd. “Sy is natuurlik ook getraumatiseerd deur die voorval. Sy kyk so mooi na haar goedjies. Mense sê dis net ’n selfoon en ten minste is sy oukei, maar dit is háár selfoon en niemand het die reg om dit net te vat nie.”

’n Saak is by die Linden-polisiestasie aanhangig gemaak.

https://youtu.be/9iLTfzxC5tE

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

46 Kommentare

jongste oudste gewildste
Jaco

Hierdie land maak my NAAR!!!

Aster

Ek’s klaar met SA! Ek het nou genoeg gehad!

Piet

Waar was die persoon wat die video geneem het, kon hy haar nie help nie. Seker te bang?

Lynette

Die absoute blatantheid en vermetelheid is om van naar te word….

foxi

Gespuis van die aarde man!!!!