Video: Mishandelde sirkusleeus kom in SA aan

Die leeus kort voordat hulle afgelaai en wakker gemaak is. Foto: Mia Spies/eNuus

Vier mishandelde sirkusleeus wat uit die Oekraïne gered is, het Donderdagoggend hul pote vir die eerste keer op Afrika-bodem neergesit danksy ʼn oud-Suid-Afrikaner se onverpoosde stryd om dié pragdiere te red.

Drie leeuwyfies, Charlie, Kai en Luca, en die leeuwelpie, Nathan, is deur Lionel de Lange, Oekraïense direkteur van die Lawrence Anthony Earth Organization, gered. Die drie leeuwyfies is deur ʼn sirkus agtergelaat en het in ʼn klein hok in haglike omstandighede gewoon. Nathan is in ʼn ander stad honderde kilometers verder gevind en sou vermoedelik binnekort aan ʼn sirkus verkoop word.

Dit het meer as ʼn jaar se fyn beplanning, hope papierwerk en ruim skenkings geverg om die vier leeus uiteindelik in Suid-Afrika te kry.

Die jong leeus, wat bestem was vir ʼn lewe agter tralies in die ysige Oos-Europa, sal die res van hulle lewe nou onder die Afrika-son in die Kragga Kamma-natuurreservaat in die Oos-Kaap deurbring.

Dié insetsel is deur eNuus vervaardig. Kyk elke aand om 19:00 op kanaal 144 en 145 op DStv na eNuus.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
liz

Ek kan net se dankie, baie dankie.

alida

Wonderlike nuus !!! Hulle sal baie gelukkiger hier by ons wees. Stuur hulle vir Sylverster dan sal hy nooit ooit weer wegloop nie.

Nel

Ek stem. Dankie dat daar nog iemand is wat omgee vir ons natuurlewe. Mag Charlie, Kai Luca en Nathan gou aanpas en die vryheid geniet waarvoor hulle geskape is. En mag die sirkuseienaars ‘n #@%@#@!$$ kry waarvan hulle nie gou sal herstel nie.

Willem

Baie dankie Lionel, mag God jou ryklik seën!

sus

Dit breek my hart om te sien hoe mense diere mishandel … soms wens ek daardie diere kon “retaliate” op dieselfde manier …