ʼn Video genaamd, Nkandla Style, wat die spot dryf met pres. Jacob Zuma se luukse privaatwoning in Nkandla, KwaZulu-Natal, is op YouTube gelaai.
Die musiekvideo is gebaseer op die Suid-Koreaanse musiekvideo, Gangnam Style, deur die kunstenaar Psy. Dié video is reeds deur bykans 2 miljard gebruikers gekyk.
Nkandla Style is deur die gebruiker N’kandla Staail op YouTube gelaai. Meer inligting is nie oor die gebruiker bekend nie.
Die musiekvideo spot met die Nkandla-swembad en verwys ook na Julius Malema en Thuli Madonsela, die Openbare Beskermer.
