Video: NWU-student se gebaar ruk hartsnare

Rynaard de Goede

Rynaard de Goede

ʼn Student aan die Noordwes-Universiteit se Potchefstroom-kampus het besluit om te midde van die studentebetogings wat universiteite landwyd lamlê ʼn bietjie hoop te versprei en dié gebaar ruk hartsnare.

Rynaard de Goede het ʼn video op Facebook gedeel waarin hy geblinddoek staan en drukkies uitdeel. De Goede het by die video geskryf: “Liefde veroorsaak nie verdeeldheid nie. Liefde etiketteer nie. Liefde vernietig nie. Liefde het geen perke nie. Liefde oorkom alles.”

De Goede het voor ʼn gebou op die kampus gestaan met ʼn bord wat lees: “Kom ons druk. Een kampus. Een familie. Een nasie. #NetLiefde.” Die video wys hoe studente van alle rasse na De Goede stap en vir hom ʼn drukkie gee.

“Wat Rynaard de Goede op die NWU se Potchefstroom-kampus gedoen het, is verby amazing. Met ʼn blinddoek het hy gewys liefde word nie gesien nie, maar gevoel, en die mens se natuurlike streef na ʼn liefdevolle wese word uitgebeeld. Rynaard ek dink nie jy weet dit nou nie, maar jy het iets amazing vir ons land gedoen, en hierdie kan deur die wêreld verkondig word (sic),” het een Facebook-gebruiker geskryf.

De Goede se video is wyd op sosiale media gedeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

99 Kommentare

jongste oudste gewildste
True Love

Probeer volgende keer die blinddoek afhaal as jy drukkies uitdeel. Dit sal nou onvoorwaardelike liefde wees…

Essie

So mooi, so dierbaar! Ek het sommer die liefdevolle drukkies gevoel, het spontaan gelag toe van die studente hom so liefdevol optel! Dit was die mees oulikste video wat ek gesien het…

Ilze

Rynaard, jys n awesome man en hoop almal kan sien wat jy doen en wakker word want die lewe te kort vir al die onnodige goed wat aangaan. Groot druk vir jou!

Annari du Plessis

Wat ‘n wonderlike gebaar – nee aksie. Ek tjank lekker en wens ons almal wil net begin om anderste optetree en ‘n verskil te maak op so ‘n amazing manier. Rynaard jy is ‘n wonderlike jong man en mag die HERE met jou aksie die verandering bring wat so nodig is. Drukkie van my uit Vanderbijlpark

Noxthefox

Wat n opregte Mens!