Video: Ouers gooi skoolhoof uit, stoel en al

. ʼn Video van die voorval, wat wys hoe ouers die skoolhoof in haar stoel uit die skoolgebou dra en dan uit die stoel op die grond gooi, word op sosiale media rondgestuur (Foto: Skermskoot uit video van Rekord Pretoria)

Die Gautengse departement van onderwys ondersoek ʼn voorval wat by Laerskool Theresapark in Pretoria plaasgevind het, waar ʼn groep ouers die skoolhoof met stoel en al uit haar kantoor gegooi het. ʼn Video van die voorval, wat wys hoe ouers die skoolhoof in haar stoel uit die skoolgebou dra en dan uit die stoel op die grond gooi, word op sosiale media rondgestuur.

Steve Mabona, woordvoerder van die departement, het bevestig die voorval het verlede Donderdag by die skool plaasgevind. Die departement se distriksbestuur en ingrypingspan is ná die voorval na die skool ontbied om as bemiddelaar tussen die ouers en skoolhoof op te tree.

Volgens Mabona is die groep ouers gegrief omdat die skoolhoof glo nie in die belang van die skool optree nie.

Panyaza Lesufi, Gauteng se LUR vir onderwys, het dié voorval ten sterkste veroordeel en gesê die departement ondersoek die bewerings wat teen die skoolhoof en skoolbeheerliggaam gemaak is.

“Geweld van dié aard op enige onderwyser kan nie geregverdig word nie. Daar is wetlike prosesse en prosedures wat ouers kan volg as hulle probleme met ʼn skoolhoof ondervind,” sê Lesufi.

“Ons doen ʼn beroep op ouers om op te hou om op hierdie manier op te tree, anders sal ons geen ander keuse hê as om drastiese stappe teen hulle te neem nie.”

Rekord Pretoria het die volgende video gedeel:

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

54 Kommentare

jongste oudste gewildste
isabelle

kan ons nie maar almal wat nie hul werk wil doen so by die gebou uit dra nie?

Phillip

Lekker lag ek nou so snaaks net in ons piessngland stel wit mense aan weet om die werk te doen en is hard werkende mense . Sit nie net en virdien n selaaris nie

Fedup

Thank you so much for the good laugh.
I find it’s good for the soul.
This is how one get rid of incompetent uhm, people.

Ja wat

Sy het self uit die stoel gespring kyk mooi ,party mense wag net vir daai lekker tjek.

Hoekom

Toe sy agterkom dit word oogeneem op video, toe spring sy self uit die stoel uit.