Video: Ouma, kleinkind by kleuterskool beroof

Kiepieland

‘n Skermskoot uit die video.

’n Kleuterskool in Pretoria beraam nou planne om sekuriteit op te skerp nadat die eienaar van die betrokke kleuterskool en haar kleinkind Donderdagmiddag voor die skool oorval en beroof is.

’n Video van die voorval, wat Donderdagmiddag by die Kiepieland-dagsorgsentrum in Pierre van Ryneveld in Centurion plaasgevind het, word sedertdien wyd op sosiale media versprei met sosialemediagebruikers wat ontstoke reageer.

Volgens ’n personeellid en ouer van die skool het die rowers Donderdag ná 15:00 toegeslaan, net nadat die eienaar van die skool en haar kleinkind ’n maat afgesien het. ’n Selfoon, ring en horlosie is in die voorval gebuit.

Daar kan in die video gesien word hoe ’n man die vrou en kind oorval terwyl sy makker in ’n blou motor voor die skool wag.

Die man dwing die vrou om haar juwele te oorhandig waarna hy die vrou in die maag skop. Dít terwyl die vrou probeer keer dat die man naby haar kleinkind kom. Dit lyk dan of die vrou se ring in die struweling op die grond val, waarna die verdagte na die ring begin soek. Die makker klim dan uit die motor waarna hy die ring optel en albei in die motor wegjaag.

Volgens die ma van die dogtertjie in die video, wat verkies het om anoniem met Maroela Media te praat, volg die skool tydens die afsonderingstydperk as voorsorgmaatreël ’n deurry-stelsel waartydens albei hekke van die skool soggens en smiddae oopgemaak word, sodat ouers hul kinders kan op- of aflaai. ’n Onderwyser kom haal dan die kind by die ouer se motor en begelei die kind na die klas.

Volgens die ma is die ouma en kleinkind ongedeerd, maar sal die skool nou sekuriteit by die hekke aanbring om ouers en kinders se veiligheid by die skool te verseker. Dit is die eerste voorval van dié aard by Kiepieland-dagsorgsentrum.

“Dit maak my so kwaad. Wanneer gaan daar iets aan die misdaad in Suid-Afrika gedoen word?” wou een sosialemediagebruiker intussen weet.

Nog ’n sosialemediagebruiker beskryf die verdagtes in die video as lafaards terwyl ’n ander wil weet waarom dit nodig was om die vrou te skop.

Die ma van die dogtertjie het vanmiddag bevestig dat ’n saak by die polisie aanhangig gemaak is.

Maroela Media het ’n navraag aan die polisie gestuur en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Chantz

Nou ja dit gaan ook seker weer stil-stil raak nes al die ander gebeure. Klomp lae gemors!!

isabelle

JONG hul is seker weer op vrye voet en reg vir hul volgende roof en geweldige optredes BITTER HARTSEER

Niklaas

Nog ‘n sagte teiken gewees vir die lafaards

Pieter

Ek wens ek was daar die here hoor my.

JohanR

Klomp lafaards! Kom nooit vir iemand wat kan terug weg nie. Altyd vroue, kinders en ou mense. Wens ek kon te voorskyn daar agter ‘n kar uit, en die ou geneuk het tot by oom Daan op die plaas daar in die Karoo!