Video: PE-vrou brand los op rowers

'n Skermskoot uit die video.

‘n Skermskoot uit die video.

ʼn 39-jarige vrou van Port Elizabeth in die Oos-Kaap het met haar vuurwapen op rowers losgebrand nadat sy hulle in die vroeë oggendure in die gang van haar huis betrap het.

Ao. Alwin Labans, polisiewoordvoerder, het aan Maroela Media gesê die vrou het Dinsdag rondom 02:30 in haar huis in Pari Park wakker geskrik nadat sy geluide in die huis gehoor het. Sy het uit haar kamer gekom en twee inbrekers in die gang sien staan.

“Sy het vir hulle gesê om stil te staan, maar hulle het na haar toe geloop. Sy het toe twee skote met ʼn vuurwapen afgevuur,” het Labans gesê. Die rowers het op die vlug geslaan. Die skote het in ʼn muur en venster vasgeslaan en niemand is beseer nie. Die vrou se beursie met haar bankkaarte en kontant is gesteel.

Kringtelevisiebeeldmateriaal wys egter dat daar drie verdagtes in die huis was. Die vrou se vriend het die beeldmateriaal op YouTube gelaai. In die video kan gesien word hoe die vriend wakker skrik van die skote wat afgevuur word. Hy spring dadelik regop ook met ʼn vuurwapen in sy hand, omdat hy glo daarmee slaap ter wille van veiligheid. Die vrou bly by die trap staan met haar vuurwapen op die deur gerig, terwyl die man die paniekknoppie druk en die polisie ontbied.

Volgens Labans word ʼn saak van huisroof ondersoek. Niemand is nog in hegtenis geneem nie.

Kyk die beeldmateriaal van die rooftog hier:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Jade

WELL DONE IT!!!!

Charles

Gelukkig het hul vuurwapens gehad. Sal al hoe meer plaasvind. Ons sluit alle binnedeure. Dis ook n revolver wat gebruik is en nie n pistool nie. Groot verskil tussen hulle.

Charles

Mooi so. Dit sal al hoe meer plaasvind. Sluit binnedeure om verassings te voorkom. Dit was n revolver en nie n pistool wat sy gebruik het.

fransie

Mooi so!! Give that women a bells!!!

Estie

Wel gedaan aan die vrou! Kan nie glo hulle is so voorbarig nie… Dis eintlik scary,… Hoop baie van hulle soort sien hierdie tipe video en sien dat mense meer voorbereid is op ongenooide gaste soos die….