Video: Plek van veiligheid maak toe danksy TV-program; reusetekort aan kinderhuise

Skermskoot uit die video

Skermskoot uit die video

Jedidiah Safe Haven in Hartbeespoort, Noordwes, se deure is toegemaak nadat die televisieprogram, Carte Blanche, ongerymdhede soos verbale en fisiese misbruik, minderjarige seks en tienerswangerskappe ontbloot het.

Jedidiah was glo die enigste plek van veiligheid in die Hartbeespoortdam/Brits-gebied vir kinders of slagoffers van huishoudelike geweld.

Carte Blanche het Sondagaand videogrepe gewys van die voorsitter, Stephanie Bentley, wat op die kinders skree en dreig om hulle na ʼn plek te neem waar hulle glo seksueel aangerand sal word.

Isabel Faurie, maatskaplike werker van Solidariteit Helpende Hand, het Dinsdag aan Maroela Media gesê sy is met afgryse vervul toe sy na dié blatante mishandeling gekyk het. “Dit kan onder geen omstandighede aanvaarbaar wees nie, en ons verwelkom die departement van maatskaplike ontwikkeling se optrede om die kinders dadelik te verwyder,” het Faurie gesê. “Ongelukkig plaas hierdie storie net die kollig op ‘n baie groter probleem – die kritiese tekort aan geregistreerde kinderhuise en plekke van veiligheid in ons land.”

Faurie sê maatskaplike werkers het al telkemale aan Helpende Hand bevestig dat sommige howe kinders by ongeregistreerde veiligheidsplekke plaas juis omdat daar so dringende tekort aan geregistreerde veiligheidsplekke is. “Hulle het bloot geen ander opsie nie,” het sy gesê. “Nog ‘n gevolg hiervan is dat kinders in sommige gevalle nie uit haglike omstandighede verwyder kan word nie, juis as gevolg van die ernstige tekort aan veiligheidsplekke. Maatskaplike werkers probeer dus eerder remediërend optree, wat dikwels nie in die beste belang van die kinders is nie.”

Volgens Faurie sit die departement met ‘n ernstige probleem op hande en dit moet onmiddellik aangespreek word.

Jedidiah Safe Haven het op sy webwerf bevestig dat hy amptelik gesluit is en dat hy nie aansoek gedoen het om sy aansoek, om ʼn plek van veiligheid te wees, hernu het nie. “Die minister van kinderwelsyn het op 2 April met ʼn groep van 30 mense en ʼn televisiespan hier opgedaag om al die kinders weg te neem,” staan op die webwerf geskryf. Volgens die verklaring is Jedidiah “valslik beskuldig van kindermishandeling met powere bewyse wat deur een van die gemeenskapslede verskaf is”. Klik hier om die volledige verklaring te lees.

Die video is deur Carte Blanche vervaardig en is Sondagaand, 13 April, uitgesaai.
WAARSKUWING: Die video kan sensitiewe kykers ontstel en is nie geskik vir kinders jonger as 13 nie.

Klik hier om die oorspronklike video te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Jasper

Skokkend ! Hierdie kinders het onbevoegde ouers, word na n onbevoegde persoon gestuur deur onbevoegde maatskaplike werksters en n onbevoegde minister pik n traan.

Bianca

Het sondag so gehuil toe ek sien hoe hierdie vieslike gemors van n mens en haar gemors kinders die klein mensies behandel wat n skande dat daar sulke mense daar buite is wat kinders so behandel! God slaap nie! Ek hoop van harte dat die mense om julle julle lewens hel maak julle verdien niks beter!

petro

Wat gebeur met hierdie mense? Word die plekke net toegemaak en niks word verder aan hul gedoen nie of wat?

AmY

Skokkend!!!

Riaan

Sulke mense besef ni wat hulle doen aan daardie kinders doen nie!!!! Ek is getroud met iemand wat as tiener in n huis van veiligheid was vir dwelm gebruik! Die kinders is in ruil vir seks dwelms gegee! My vrou is verkrag en is ook gedwing om te kyk tewyl ander verkrag is! Die persoon is skuldig bevind en was n lang tyd in die tronk! Hy is vry gelaat en bedryf weer n huis van veilgheid! HOE WERK DIT?!?!?!?