Video: Schwarzenegger reageer ná voorval

‘n Skermskoot uit die video.

Die akteur, fiksheidsghoeroe en voormalige Kaliforniese goewerneur Arnold Schwarzenegger het gereageer op Saterdag se voorval by die Arnold Classics in Johannesburg.

Die voorval in die Sandton-konvensiesentrum is op video vasgevang en sedertdien wyd op sosiale media versprei. In die video kan daar gesien word hoe Schwarzenegger met aanhangers omgaan voordat ʼn man met ʼn aanloop kom en Schwarzenegger hard in die rug skop.

Die 71-jarige Schwarzenegger het later sy Twitter-volgelinge in ʼn twiet gerus gestel dat hy nie in die voorval beseer is nie. “Dankie vir julle besorgdheid, maar daar is niks om julle oor te bekommer nie. Ek het gedink ek word net deur die skare gestamp, wat baie gebeur. Ek het [eers later] besef ek is geskop toe ek die video, soos julle almal maar, gesien het,” lui die twiet.

‘n Skermskoot uit die video.

Schwarzenegger het sy volgelinge verder gevra om nie hul fokus op die video te plaas nie, maar eerder op die 24 000 atlete wat oor die naweek aan 90 sportsoorte tydens die Arnold Classics deelneem.

Maroela Media het vroeër berig die geleentheid is ʼn inisiatief van Schwarzenegger om fiksheid, liggaamsbou en sport te bevorder.

Die Arnold Classics, wat na Schwarzenegger genoem is, is ’n jaarlikse multisport-gebeurtenis ter viering van verskillende sportsoorte – van akrobatiese gimnastiek, boogskiet, pluimbal en vlugbal tot stoei.

As die video nie speel nie, kyk dit hier op Twitter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

67 Kommentare

jongste oudste gewildste
Oom Jaco

Hy moet maar wakker wees in SA… As jy jou rug draai dan gebeur dit… Hy kan bly wees dit was nie ses of meer soos met die plaasaanvalle nie!

Jerry

“Slaan terug” “skop terug”?

Ken

So tipies… Lafaard kom van agter af. Daai fris sekuriteitsman mag ook seker niks aan die ou doen na die tyd nie anders nou weer menseregte skending…. Ja wat, nog ‘n trotse oomblik vir SA…

Andreas

Vergeet nou maar van in die rug skop, baie egter dinge het al met baie van ons gebeur, maar as jou naam Arnold is, het jy die wêreld aan jou voete. Dit lyk my hy is nogal dikwels in die land en as ons hom SA nasionaliteit kon gee, sou hy dalk die ‘Terminator’ party gestig het om van al die booshede ontslae te raak. Dan sou hy Cyril se jop sommer daar van die opposisie af baie vergemaklik het, van die parlementslede sou sommer uit hul eie bedank het, die EFF en die BLF sou nie ‘n spier verroer… Lees meer »

Andreas

Jip dis van oor die jare al die gewig optel en aktief betrokke bly … maar dit is mos als ingesteldheid, daar in jou kop.