Video: Skoolhoof valskermspring eerste skooldag binne

Chris Denysschen, die nuwe Kloofhoof, land met ’n valskerm op die skool se rugbyveld. (Foto: Facebook)

Dit was ’n dag van vele eerstes toe die Hoërskool Waterkloof Woensdagoggend heropen.

Dié skool in Pretoria het vroegoggend die nuwe skoolhoof amptelik ontmoet. Boonop het die nuwe “Kloofhoof” vir die eerste keer sy opwagting op ’n baie besonderse manier gemaak.

Die geesdrif was aansteeklik toe skoolhoof Chris Denysschen met ’n valskerm op die skool se rugbyveld te lande kom – ten aanskoue van die skool se sowat 1 890 leerders.

JacarandaFM berig Denysschen is met groot applous deur leerders verwelkom waarna hy sy verwelkomingstoespraak gelewer het.

Dié verrassing word sedert Dinsdag op die skool se Facebookblad geadverteer. Sosialemedia-gebruikers kon ook vanoggend inskakel om Denysschen se spesiale aankoms regstreeks op die skool se “eerste, amptelike regstreekse uitsending op hul eie unieke KlofieTV-kanaal te kyk”.

Hoërskool Waterkloof meen die skool omhels vanjaar behoorlik verandering. Hul slagspreuk vir 2019 lui “Die tyd vir verandering is hier” en die hutsmerk “#2019 Die revolusie kom” word tans op sosiale media gedeel.

The excitement is electrifying! The new principal of Hoërskool Waterkloof arrived by jumping out of an airplane with a parachute! Read more: https://bit.ly/2RyT4gc.

Posted by Breakfast with Martin Bester on Tuesday, January 8, 2019

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
Hoop

Daar is hoop vir Afrikaanse skole. Of, beter gestel, Hoop. Wat ‘n pragtige oomblik, ek was bevoorreg genoeg om dit te kon deel. Die Afrikaanse jeug gaan nog van krag tot krag gaan in hierdie pragtige land van ons. Met God as die Leidsman.

Eve

Trots om Klofie kinders te he! Ons glo die nuwe hoof sal die skool tot hoer hoogtes neem

SP

@EVE; dus word jy beindruk deur ‘n hoof wat so optree? Hy word betaal om sy werk te doen, nie om ‘n waaghals te wees nie. Jou skool fonds, het betaal vir die oefening. Ek hoop jy slaap lekker omte weet dat hy jou en ander se geld so mors. Ek sou hom aankla van wan-bestuur en wan-administrasie, as ek ‘n kind in sy skool gehad het. Hoe gaan hy ‘n skoolfonds verhoging vir 2020 motifeer? Meneer, jy het duidelik nie nou gedink nie! Dalk moet hy by die sirkus gaan werk? Uiters Swak optrede, van ‘n skoolhoof, en bestuur!

PJN

Trotse skool met mooi tradisie…..

Eddy

Noem dit avontuur,maar ek noem dit onverskillig.