Video: Slagoffers jaag in ‘kapers’ se motor vas

‘n Skermskoot uit die video.

Twee vermeende kapers is in hegtenis geneem nadat die paartjie wat hulle geteiken het hulle van hul eie medisyne gegee het deur twee keer volspoed teen die boosdoeners se wegkommotor vas te jaag.

ʼn Video van die voorval is deur Intelligence Bureau SA op Facebook gedeel en was teen Maandagmiddag reeds meer as 300 000 keer gekyk.

Volgens kapt. Mavela Masondo, woordvoerder van die polisie, het die voorval Donderdag omstreeks 20:10 in Van Dykpark in Boksburg plaasgevind. Masondo het gesê die paartjie was in hul motor in die oprit van die huis gereed om te ry toe drie gewapende mans by die oprit ingehardloop het.

Die verdagtes het die paartjie uit die motor gedwing en probeer om die voertuig te kaap. Volgens Masondo kon die kapers egter nie daarin slaag om die motor in trurat te kry nie en het hulle handdoek ingegooi.

Op die video kan gesien word hoe een kaper vinnig terughardloop na die wegkommotor toe, terwyl sy twee makkers doodluiters terugstap na die motor toe.

Die volgende oomblik ry die slagoffers agteruit met hul motor by die erf uit en ry volspoed met die agterkant van hul motor in die kapers se motor vas. Die slagoffers maak dan ʼn U-draai en ry wéér die keer met die voorkant van hul motor teen die kapers se motor vas.

“Twee verdagtes is deur die gemeenskap vasgetrek en aan die polisie oorhandig. Daar is ook op ʼn ongelisensieerde vuurwapen beslag gelê,” het Masondo gesê.

Hy het gesê die polisie ondersoek tans of die kapers se wegkommotor vroeër gesteel is en of die verdagtes met enige ander misdade verbind kan word. Die derde verdagte is nog op vrye voet.

Masondo het gesê die verdagtes sal tereg staan op poging tot kaping en die besit van ʼn ongelisensieerde vuurwapen en ammunisie. Nog aanklagte kan later bygevoeg word.

Die slagoffers is ongedeerd ná die beproewing.

Instant Karma for driveway armed robbers! People are tired of being victims….watch till the end. Van Dyk Park, Boksburg

Posted by Intelligence Bureau SA on Friday, 20 April 2018

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Koos de Meyer.

Mooi skoot, die wiel het vir hulle gedraai. Dit moet net meer kere gebeur.

AmY

Ons moet meer male só terug veg.

Tammy

Waaghalsige poging, maar dit het gewerk! Terug baklei is die enigste manier om te wen. Hulle is n klomp lafaards!!!! So bly hulle is gevang. Die makker sal later verraai word…dis mos hulle styl. Geluk aan die dapper jong paartjie!!!

Jennifer

Excellent!!!

Niel

hoop die versekering is goedgesind aan hierdie eienaars wat amper gekaap was, om die skade van die motor te betaal…