Video: ‘Slapende’ beampte het ‘mediese toestand’

‘n Skermskoot uit die video.

Die verkeersbeampte wat op video vasgelê is waar dit lyk of hy langs die pad in sy verkeersmotor se kattebak sit en slaap, ly aan ʼn “mediese toestand”.

Die video is wyd op sosiale media versprei. Die persoon wat die video geneem het, loop tot naby aan die verkeersbeampte sonder dat hy dit agterkom en wys dan ook hoe sy vroulike kollega met ʼn motoris staan en gesels. ʼn Spoedkamera is langs die motor opgestel.

Die departement van polisie, paaie en vervoer in die provinsie het ondersoek na die beeldmateriaal ingestel nadat dit onder hulle aandag gekom het.

Volgens die departement gebruik die beampte medikasie vir ʼn “mediese toestand” wat nie bekend gemaak kan word nie. “Die medikasie maak hom lomerig veral wanneer dit warm is, soos Saterdag die geval was,” het die departement in ʼn kort verklaring gesê.

Die departement het verder gesê die verkeersbeampte is in 2012 reeds met die mediese toestand gediagnoseer . “Hy is ʼn baie toegewyde beampte met ʼn baie goeie werksrekord.”

 

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

161 Kommentare

jongste oudste gewildste
Onnie

Dan moet hy medies “geboard” word , want wraggies da is geen verskoning vir slaap op die job nie – veral nie as jou werk menselewens behels nie!

Siestog

Die mediese toestand is “KFC Oogies Toe” simdroom. Slaap is een van die newe effekte van te veel KFC eet in die son

legens

ek het ook so `n mediese toestand , maar ongelukkig word dit nie deur my werkgewer erken nie .

Gertryda

Met so n erge mediese toestand hoort hy nie agter die wiel van n motor
Ek sal afgedank word as ek op die job slaap
Skuif hom na n ander dept waar hy nie gevaar is nie

Smurfie

Wys jou net, mense oordeel te maklik.
Ons ook n werker gehad wat aan n slaap siekte gelei het. Hy het sy beste altyd gegee, en was altyd greetig om te help. Al het hy sommer net aan die slaap geraak. Hy was baie lojaal. Ongelukkig is hy intussen op pensioen