[Video] Soektog na vrou wat in Durban-vloede verdwyn

Brenda Lynn Scriven.

Brenda Lynn Scriven.

Die video volg onderaan die berig.

ʼn Volskaalse soektog duur voort na Brenda Lynn Scriven (62) wat Maandag vermis geraak het tydens vloede in Durban weens swaar reën.

Volgens Reaction Unit South Africa wys kringtelevisiebeeldmateriaal hoe Scriven se motor Maandag op die hoek van Glen Anilstraat en Sneezewoodweg in Durban-Noord gaan staan het.

Sy het glo vir ʼn insleepvoertuig gewag toe ʼn rivier daar naby oorstroom het. Sy het vermoedelik uit haar voertuig gespring toe dit deur vloedwater meegesleur is en is ook deur die vloedwater weggespoel.

Die polisie, lede van die publiek en verskeie nooddienste en instellings soek sedertdien onverpoosd na Scriven, wat vermoedelik verdrink het.

Kyle van Reenen, woordvoerder van Marshall Security, het gesê die soektog na Scriven het Vrydag op die rivierbanke van die Umgenirivier langs Old North Coastweg hervat.

“Die gebied is deur die polisie se soek-en-reddingseenheid geïdentifiseer nadat honde Woensdag leidrade daar opgemerk het. Met die hulp van die Ethekwini-nooddienste is opdrifsels en modder verwyder sodat ʼn meganiese graaf in die omgewing kan grawe,” het Van Reenen gesê.

Mense met enige inligting oor Scriven word versoek om ao. Audh by 072 796 1818 of die polisie by 0860 10111 te bel.

Update: 2016/07/27 18:00Missing PersonAdultGlen Anil – Kwazulu NatalToday saw the continuation of rescue efforts for Brenda Scriven, focused on an area of the river off Old North Coast Road, near the Sneezwood intersection. This area was indicated by SAPS Search and Rescue canines yesterday as being a possible lead. With the aid of Ethekwini Fire and Rescue Services, the rubble and debris in the area was moved away to allow for an excavator, which was generously donated by Morgado SA, to excavate the area. Search teams worked fervently throughout the day but unfortunately no result was found and the search was suspended at 17:30. Efforts will continue tomorrow morning with the focus being shifted down the river banks. If you have any information on Brenda Lynn Scriven's whereabouts, then please contact Marshall Security on 086 162 7732Remember to call us IN CASE OF ANYTHING.Marshall Security. 086 162 7732 www.marshallsecurity.co.za

Posted by Marshall Security on Thursday, July 28, 2016

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Wat-ek-lees ·

Water, wind en vuur: wanneer dit hand uitruk is die natuur onvergeeflik. Wat ‘n ongelukkige sameloop van omstandighede vir haar. Werklik ‘n fratsongeluk. Ek vertrou dat sy gekry sal word en sterkte aan die betrokkenes.

Uiltjie ·

Die hartseer van die stories is die oorledene se boedel en sy mense moet nog steeds die skurk onderhou all word hy skuldig bbevind. ( belastings)

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.