[Video] Spur stel beeldmateriaal beskikbaar ná voorval

'n Skermskoot uit die video

‘n Skermskoot uit die video

Die restaurantgroep Spur het Donderdag ʼn gedeelte van kringtelevisiebeeldmateriaal van die voorval wat Sondag by die Texamo Spur by The Glen-winkelsentrum in Johannesburg plaasgevind het, aan die media beskikbaar gestel.

Die beeldmateriaal wys hoe ʼn man ʼn kind aan die arm gryp, voordat die kind se ma hom aan die ander arm gryp en ʼn woordewisseling volg.

Pierre van Tonder, uitvoerende hoof van Spur, het Woensdag aan Maroela Media gesê ʼn deeglike ondersoek van dié beeldmateriaal toon die vrou in die video, Lebohang Mabuya, se weergawe van die voorval is akkuraat.

Die man in die video het Mabuya se seun glo daarvan beskuldig dat hy sy kind geboelie het. Mabuya het egter aangevoer dit was die man se kind wat haar seun geboelie het.

“Die beeldmateriaal toon duidelik die man het die vrou se kind op ʼn aggressiewe manier gegryp en dié soort optrede is onaanvaarbaar,” het van Tonder gesê. Hy het gesê dit is nie duidelik of die man se kind wel geboelie is nie, maar selfs al sou dit die geval wees, was dit volgens Van Tonder onnodig om aggressief en beledigend te wees.

Hy het ook gesê Spur het nog nie daarin geslaag om met die man in verbinding te tree nie, hoewel die organisasie Mabuya Woensdag ontmoet het.

Maroela Media het vroeër berig ʼn gesin van Capital Park in Pretoria vrees intussen vir hul lewe nadat hulle talle doodsdreigemente gekry het sedert hul telefoonnommer en huisadres verkeerdelik as dié van die man in die sogenaamde Spur-voorval versprei is.

Maroela Media het versoek dat die beeldmateriaal van die hele voorval, insluitend die gebeure vooraf in die speelarea, beskikbaar gestel word. Spur het nog nie op die versoek reageer nie. Van Tonder het egter Woensdag aan Maroela Media bevestig die volle video stem steeds ooreen met Mabuya se weergawe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

112 Kommentare

jongste oudste gewildste
Willem

Daar het jy dit nou. So nie net het hy die vrou gedreig met aanranding nie, maar hy het haar kind gegryp. Duidelik het die man dit heeltemaal verkeerd hanteer.

AL

Die video begin nie van die begin af nie, waar die oorsprong van die konflik was nie. Het Spur dit so geredigeer om sensasie te skep? Nogal child abuse onderaan News 24 se video.

BS

Wat van die beeldmateriaal van die speel area toe die kind sy kind geklap het. As my kind geklap word deur n ander kind maak nie saak watse kleur nie sal ek ook so voel teen daai kind. Nee wat Spur probeer maar net hulself regverdig. Soek die beeldmateriaal van wat gebeur het met die kind dan is dit regverdig.

Scalla

Is daar nie beeld materiaal van die speelplek waar die geboelie plaasgevind het nie.

Leandra

Wow what a story. I have read all of different reactions. So i also now wanna say my say if i may lol. Nr 1. younger girl allegedly hit older boy. And older boy responds by hitting her back. My son is not allowed to hit ppl. Aspecially a child younger and a girl!! Period. The mother, or her husbands job is to teach their child that. If the child had manners, and at ten children know very good and well what is right and wrong. Everything after that would not have happened. So. Everyones losing their minds and crucifying… Lees meer »