[Video] Staatsrede: ‘Staat het gesag afgedwing’; regsaksie dreig

'n Skermskoot uit die video.

‘n Skermskoot uit die video.

Nosiviwe Mapisa-Nqakula, minister van verdediging, het gesê die staat het sy gesag afgedwing toe EFF-LP’s Donderdagaand fisiek en gewelddadig uit die Nasionale Vergadering verwyder is.

“Jy het die reg om jou mening te lug, maar dit beteken nie jy kan op ander se regte trap nie en dit is wat gebeur het,” het Mapisa-Nqakula gesê. “Ek dink die oppergesag van die reg en die staat het sy gesag afgedwing om seker te maak dat dit wat beplan was, voortgegaan het.”

EFF-LP’s is verwyder ná daar vir langer as ʼn uur ontwrigting was en pres. Jacob Zuma nie sy staatsrede kon lewer nie. EFF-LP’s het onder meer gesê hulle het inligting ontvang dat die sogenaamde withemde beplan om hulle met kabelbinders vas te maak en hulle met “biologiese wapens” in te spuit.

Maimane buite die Nasionale Vergadering. Foto: ANA

Maimane buite die Nasionale Vergadering. Foto: ANA

Mapisa-Nqakula het die ontplooiing van 441 soldate verdedig en gesê dit was nodig nadat ʼn “bedreigingsevaluering” gedoen is.

Mmusi Maimane, leier van die DA, en die party se LP’s het self die Nasionale Vergadering verlaat voor Zuma met sy toespraak begin het. Maimane het intussen met regsaksie gedreig.

“Die Grondwet maak dit duidelik dat die polisie en weermag nie die Nasionale Vergadering mag binnekom nie. Daar is traangas afgevuur en hulle het Zuma beskerm.”

Maimane het gesê hulle sal Vrydag die hof nader en ʼn hersieningsaansoek indien.

Malema het gesê hulle sal nie die hof nader nie hoewel talle van die party se LP’s tydens Donderdagaand se gebeure beseer is. “Dit is ʼn politieke stryd. Ons sal op die grond veg. Ek is beseer en is nie eens seker hoe ek Vrydag ʼn pen gaan kan vashou nie.”

https://youtu.be/60LPvGEDy6o

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

52 Kommentare

jongste oudste gewildste
Kobus

Regverdig nie kommentaar…die DA sal hul weer teen die beskermsengel/s van die nar in die hof vasloop na jare se hofsake en vermorsing van geld en tyd…spaar jul energie met dit en oortuig die land se mense dat hul by die stembus met 2019 se verkiesing die laaste se het.

Landie

Klomp narre, almal van hulle. Die hele wereld lag vir hierdie patetiese land wat deur narre regeer word. En dan wil Zuma nog kom vertel dat die ekonomie deur blankes beheer word. Hy moet dalk eerder wakker word en teruggaan skool toe. Die pateet.

Hannelie

Hahahahaha……no comment.

Ronel

Wat n joke!! Daars een woord wat ontbreek in sommige mense se woordeskat. RESPEK. Klaarblyklik ken min mense deesdae daai woord. Maar dit gesê… mens verdien respek, dit kom nie vanself nie.

Liesbet

Sug ….