Video: Strafregtelike klagtes kom dalk teen rassistiese motoris

‘n Skermskoot uit die video.

ʼn Motoris wat op video vasgevang is waar sy rassistiese beledigings aan ʼn veiligheidswag toesnou, kan moontlik binnekort strafregtelike aanklagte in die gesig staar.

Maroela Media verneem die voorval het Donderdag omstreeks 01:00 in Wingate Park in Pretoria plaasgevind. Volgens inligting het die vrou se motor na bewering oor die pad geswaai en het sy die sypaadjie getref. Veiligheidswagte het haar voorgekeer en die polisie ontbied, omdat hulle glo vermoed het dat sy moontlik onder die invloed van alkohol kan wees.

Met die polisie se aankoms op die toneel, het die drama afgespeel wat op die video gesien kan word. Op die video kan daar duidelik gehoor word hoe die vrou ʼn veiligheidswag herhaaldelik ʼn “f****n wit k**t” noem.

“Ja, ek het dit gesê! Ek het dit gesê! En dit is opgeneem b***h. En ek vertel jou nou, dit sal op nasionale televisie wees,” sê die vrou. Daar kan verder gesien word hoe ʼn polisiebeampte probeer om die vrou te kalmeer. Die video word sedertdien wyd op sosiale media versprei.

Kallie Kriel, uitvoerende hoof van AfriForum, het aan Maroela Media gesê die organisasie is reeds in gesprek met die betrokkenes om te verseker dat strafregtelike aanklagte van crimen injuria teen die vrou aanhangig gemaak word.

“AfriForum se standpunt is dat alle vorme van rassisme met dieselfde erns hanteer moet word. Ongelukkig beleef ons dubbelstandaarde dat daar groot openbare klem op anti-swart rassisme geplaas word, terwyl anti-wit rassisme onder die mat ingevee en geïgnoreer word. Dit is juis hierom dat ons tans met die betrokkenes by dié saak in gesprek is om te verseker dat hierdie voorval met dieselfde erns hanteer word as die Vicki Momberg-saak,” het Kriel gesê.

Momberg is ʼn Johannesburgse eiendomsagent wat geskiedenis gemaak het toe sy vroeër vanjaar die eerste persoon in Suid-Afrika geword het wat tronk toe gestuur is vir rassisme. Sy is tot drie jaar tronkstraf gevonnis, waarvan een jaar opgeskort is, nadat sy in Februarie 2016 ook op video vasgevang is waar sy ʼn polisiebeampte herhaaldelik die k-woord noem. Die gelykheidshof het verder in Junie 2017 beslis dat Momberg R100 000 skadevergoeding aan konst. Clement Mkhondo moet betaal.

“Die belangrike ding is dat daar gelykheid voor die reg moet wees en daarom kan ons nie hierdie voorval wat vanoggend gebeur het, net laat verbygaan sonder enige gevolge nie,” het Kriel gesê.

Volgens Kriel is die vrou in die video glo nie op die toneel in hegtenis geneem nie omdat die polisie haar nie self agter die stuur van die voertuig betrap het nie. Hierdie inligting kon egter nog nie amptelik by die polisie bevestig word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

125 Kommentare

jongste oudste gewildste
Rehab

NIE DALK NIE . VERSEKER .. sy MOET vervolg word soos VICKY anders is dit ‘n INJUSTICE .. en is die regstelsel BAIE bevooroordeeld .. SY HOORT in die tronk! Laat sy en Vicky mekaar rehabiliteer.

Nannie

Ja-nee die sal n interesante saak wees.

Michael Vd Westhuizen

Gaan sy ook 3 jaar tronk toe ?

Potties

Sy gaan niks oorkom nie die SAP lede het haar nie eers gestop nie so so verkeerd.

Joe Hall

Afriforum, ek glo dat julle die nodige hulp sal verleen en sorg dat hierdie siel se optrede nie ongesiens en ongestraf verdwyn nie.
Die sg polisie lede wat met allerlei mooi praatjies die betrokkene na haar voertuig begelei, sonder om hul plig na te kom om haar van haatspraak, rassisme ens aan te kla nie, moet groot asseblieftog tot verantwoording geroep word.