Video: Studente takel UV-personeellid

‘n Skermskoot uit die video.

AfriForum Jeug het Dinsdag ’n klagte teen studente van die EFF Students Command (EFFSC) aan die Universiteit van die Vrystaat aanhangig gemaak nadat ʼn personeellid asook studente vroeër die dag gedurende ’n betoging op kampus deur betogende studente aangerand is.

Chantelle du Preez, AfriForum Jeug se nasionale koördineerder vir tersiêre instellings, het in ’n verklaring gesê die groep studente het opgeruk waarna talle klasse en toetse tydens die betoging ontwrig en studente sowel as personeel deur betogers aangerand is.

“AfriForum Jeug het ’n dringende skrywe aan Pura Mgolombane, dekaan van studentesake, gerig waarin ons vra dat hy onmiddellik teen die betogers optree om seker te maak ander studente se veiligheid en reg tot onderrig word nie geskend nie,” lui die verklaring.

‘n Skermskoot uit die video.

ʼn Video word tans op sosiale media versprei waarin ʼn gestoei tussen ʼn personeellid en studente op die trappe van ʼn gebou op kampus gesien kan word voordat ʼn man die personeellid te hulp kom soos hy opstaan. Talle gille van studente kan in die video gehoor word.

Volgens Du Preez is Marchelle Malan, voorsitter van AfriForum Jeug se Kovsies-tak, ook deur betogende studente gedreig dat hulle haar sal “bykom indien sy die video’s teen hulle sou gebruik”.

Maroela Media het ʼn navraag aan die universiteit se woordvoerder gerig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

62 Kommentare

jongste oudste gewildste
Dell

Ja nee dit is nou weer tyd om eksamen te skryf. Enige iets om dit mis te spring. Weet nie hoekom hulle toegelaat word om die lewens van almal om hulle te ontwrig nie. Daar bestaan nie meer so woord soos skors nie.

Theo

Ek sien nie n gestoei nie,ek sien n blanke personeellid wat deur swart studente aangerand word op kampus.Kom ons kyk of daar op getree gaan word teen hulle.

Yolie

Regtig? Ek twyfel sterk of 1) die universiteit die ruggraat gaan he om sie skuldiges aan die pen te laat ry en 2) hulle eie party hulle gaan aanvat oor hulle swak optrede. Geen wonder SA se kwalifikasies oorsee word nie meer in dieselfde lig gesien as 10 jaar terug nie.

Wonner

Hy moet ‘n aanrandingsaak maak jy kan mos duidelik sien op die video wie die skuldige partye is???

Kerrie Vlamskiet Briekstreep

.
.
Gee elke persoon n Universiteits-graad,voertuig-lisensie en geboorte-sertifikaat by geboorte….dan is dit in sy eie hande om praktiese ondervinding op te bou en dan te gaan werk soek…….niks meer tyd mors om eers skool toe te gaan nie…soek dadelik werk as jy jou ouerhuis wil verlaat…werkgewers kan dan werkers kies volgens hulle self opgeboude kennis en ervaring….dan is daar nie meer mors van geld nie….dan is almal equal.
.
.