[Video] Studente veroorsaak chaos by parlement

Studente buite die parlement. Foto: Twitter

Studente buite die parlement. Foto: Twitter

Chaos het Woensdagmiddag voor die parlement uitgebreek toe betogende studente hul weg tot in die binnehof voor die parlement ingedwing het.

Polisiebeamptes het die studente probeer terugdruk en skokgranate afgevuur. Talle studente is in die proses beseer. Die studente het hard gedreunsing “we want Blade” met verwysing na Blade Nzimande, minister van hoër onderwys.

EFF-LP’s het intussen die minister van finansies, Nhlanha Nene, se mediumtermynbegroting ontwrig deur aan te dring op ʼn nooddebat oor die studentebetogings wat na talle universiteite regoor die land uitgebrei het. Die EFF se LP’s is egter uit die Nasionale Vergadering verwyder voordat Nene met sy toespraak voortgegaan het.

Nene het vroeër in die parlement gesê geen bykomende geld is vir universiteite begroot nie. Volgens Nene het hy vlugtig met Nzimande vergader en sal ʼn interregeringstaakspan op die been gebring word om ‘n oplossing te probeer vind vir onderwysbefondsing.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Elana

Ek kry so skaam om te se dat ek ‘n jongmens in Suid-Afrika is op hierdie stadium. Ek het deur college gekom met BAIE duur fooie, dis 2 jaar later en ek betaal dit steeds af. Ek weet die toenname in fooie is dalk onnodig, maar dis nie nodig om gewelddadig te raak nie. Daar is maniere om die tipe goed aan te spreek, en om basies ‘n vloermoer te gooi nou en goed af te brand is beslis nie een daarvan nie. Skaam julle.

chrisp

Niks vreemd hier nie net Libs/

Asjas

Eintlik is ek bly om te sien daar is ‘n paar wit gesigte ook. Die wit kinders betaal duur om te studeer en hul studies word ook deur die betogings ens. geraak. Op hierdie stadium weet jy nie meer waar om in te skryf nie want die hele land se Universiteite is in krisis gedompel.
Almal wat volgende jaar ingeskryf het moet hul gelde terug hou totdat die krisis opgelos of weer onder beheer is.

Genis

Kommuniste.

Meisie

Ek stem heeltemal saam met die studente wat betoog. Die studentegelde gaan op met die helfte van wat dit was. Hoe gaan ‘n jongmens dit betaal? Nie almal het ouers wat vir hulle betaal nie.