Video: Swartmamba in KZN-huis gevang

Anton Davidson met die swartmamba (Foto: Skermgreep uit die video)

ʼn Swartmamba van meer as 2 meter lank is Maandagoggend by ʼn huis in Coniston in KwaZulu-Natal gevind.

Reaction Unit South Africa (Rusa) is omstreeks 09:00 gekontak ná inwoners in ʼn kas op die slang afgekom het. Anton Davidson, ʼn professionele slangvanger, is ontbied en hy het vernuftig die slang uit die kas gehaal en gevang. Davidson bevestig in die video dit is ʼn swartmamba.

Volgens hom sou die slang waarskynlik self weer uit die huis geseil het. “Dit is slegs ʼn probleem wanneer die slang bedreig voel.”

Hierdie mamba is een van die grootste giftige slange van Afrika en ook die mees gevreesde. Die slang maak sy kop bak wanneer dit bedreig word. Sy byt is feitlik altyd dodelik as dit nie onmiddellik behandel word nie. Die gif is senuvergiftigend en die slang pik ‘n paar keer na mekaar. Onmiddellike behandeling is nodig anders sterf die slagoffer weens verlamming en versmoring. ‘n Teengif is beskikbaar.

Anders as wat sy naam aandui, is die swartmamba nooit heeltemal swart nie: sy kleur wissel van olyfgroen tot donkerbruin aan die bokant en gryserig op die pens.

Inwoners sê in die video dit is die tweede keer wat hulle op ʼn slang afkom.

Die swartmamba is van die perseel verwyder en sal in ʼn geskikte omgewing vrygelaat word.

Black Mumba Captured

Video: Black Mamba Captured: Coniston – KZNA Black Mamba measuring approximately 2.1 meters was captured on a property in Coniston, KZN this morning (Monday).The Reaction Unit South Africa (RUSA) Operations Center received a call for assistance at approximately 09:01 after the snake was discovered in a cupboard. Reaction Officers identified the snake as a Black Mamba. Professional snake catcher Anton Davidson was called out to the property and on arrival captured the highly venomous reptile. The snake was removed from the property and will be relocated to a more suitable environment.

Posted by Reaction Unit South Africa on Sunday, January 9, 2022

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

8 Kommentare

jongste oudste gewildste
Frank

Nee MM, hy maak nie sy kop bak as hy bedreig voel nie. Die Mozzie doen egter

casper

Grote genade !!

Yvonne

Nee wat ek sal dit nie oorleef nie, aikona

Misky

Nee wat, ek trek!!!!!