Video: Tent uitmekaargeruk by Zuma-toespraak

'n Skermskoot uit die video.

‘n Skermskoot uit die video.

ʼn Donderstorm Vrydagmiddag het tot gevolg gehad dat die geleentheid waar pres. Jacob Zuma sy Versoeningsdagtoespraak gelewer het, gekanselleer is.

Zuma was op Gopane naby Zeerust in Noordwes met sy toespraak besig toe die donderstorm, wat met sterk winde gepaardgegaan het, tot gevolg gehad het dat die markiestent waarin hy sy toespraak gelewer het uitmekaargeruk is.

Zuma, die premier van Noordwes en ander lede van sy kabinet is onmiddellik deur lyfwagte na veiligheid gehaas. Daar was geen onmiddellike berigte van beserings nie. Die geleentheid is hierna gekanselleer.

Zuma was sowat halfpad deur sy toespraak. Hy het vroeër gesê 16 Desember het ʼn pynlike verdeeldheid tussen wit en swart verteenwoordig tot en met 1995. Zuma het gesê versoening is ʼn proses wat na albei kante gaan.

“Terwyl swart mense versoek word om die pyn van die verlede te begrawe en aan te beweeg, moet wit mense ook gereed wees om die noodsaaklikheid van transformasie en regstelling te aanvaar.” Zuma het gesê die land het ʼn lang pad gekom in 22 jaar.

ʼn Skare van sowat 2 000 mense het Zuma vroeër luid toegejuig by sy aankoms terwyl polisiebeamptes ʼn menslike ketting tussen hom en die skare moes maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
pieter

Die voorvaders het seker geweet hy gaan nie die waarheid praat nie.

Chrisjan

Iets is op sy spoor!

Elize

Daar sal seker nou ondersoek gedoen word om vas te stel wie verantwoordelik was daarvoor.

to m

Wens daar was hael ook

gert

Volwaardige ondersoek gaan gedoen word oor waar die wind vandaan gekom het!!