Video: Twee aangekla oor ‘aanrandingsvideo’

‘n Skermskoot uit die video.

Twee mans sal vandeesweek weer in die hof in Belfast, Mpumalanga, verskyn nadat hulle op video vasgevang is waar hulle ʼn man hardhandig hanteer en na hul voertuig sleep.

Bruce Botha (29) en Wayne Swart (20) het reeds in die hof verskyn op aanklag van aanranding met die doel om ernstig te beseer en sal Vrydag weer in die rondgaande hof verskyn.

Lede van die publiek op Machadodorp het Maandagmiddag die voorval op video opgeneem waaroor Botha en Swart nou aangekla word. Die video is daarna op WhatsApp en ander sosialemediaplatforms versprei.

Kol. Mtsholi Bhembe, woordvoerder van die polisie, het gesê ʼn plaaslike sakeman het die twee beskuldigdes, glo van ʼn private sekuriteitsmaatskappy, Maandagmiddag gebel om te kom help nadat hy en ʼn werknemer in ʼn rusie betrokke was.

Botha en Swart het op die oproep gereageer en dit het gelei tot die gebeure wat in die video gesien kan word.

In die video kan gesien word hoe die man, duidelik beseer, aan sy arms na ʼn bakkie gesleep word en agterop geplaas word. Lede van die publiek raak al hoe vuriger en skree vir die twee mans: “Is julle polisiebeamptes?” en “Julle is f****n rassiste! Hierdie is nie julle plaas nie!”

Omstanders probeer ook om die man uit die twee veiligheidswagte se greep te bevry. Die polisie daag by die toneel op en die video eindig te midde die lede van die publiek se woedende uitroepe.

Bhembe vertel dat Botha en Swart later die dag, vermoedelik ná ʼn opdrag van die stasiebevelvoerder, in hegtenis geneem is vir aanranding met die doel om ernstig te beseer.

Hy het wel genoem dat die oorsaak van die man se beserings nog bepaal word. “Ons ondersoek nog of sy beserings spruit uit sy onderonsie met die sakeman of die twee mans.”

Bhembe het bevestig die slagoffer het talle kneusplekke aan sy gesig en bolyf opgedoen, maar is onseker of die man na ʼn hospitaal geneem is of nie.

Woedende inwoners van Machadodorp het Dinsdag die oprit na die polisiestasie geblokkeer en die sakeman wat die sekuriteitsmaatskappy aanvanklik gebel het se winkel aan die brand gesteek omdat hulle meen dat “hy alles begin het”.

ʼn Klag van brandstigting word ondersoek.

Die gemeenskap was ook woedend dat die mans in die Belfast-rondgaande hof verskyn het en nie in Machadodorp nie. Volgens Bhembe dring lede van die gemeenskap daarop aan om te weet waar Botha en Swart aangehou word.

Bhembe sê daar is Dinsdagaand ook twee vragmotors in Machadodorp aan die brand gesteek. Niemand is nog in verband met die voorval in hegtenis geneem nie.

“Die situasie is steeds gespanne vanoggend, ons hou ʼn baie fyn oog op die situasie daar,” het Bhembe gesê.

Kyk hier na ʼn verkorte weergawe van die video:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

78 Kommentare

jongste oudste gewildste
Al

Dit lyk eerder na verset teen publieke arrestasie. En uitlokking!
Met opset om ernstig te beseer? Belaglik!

Hansie Slim

As sekuriteit mense iemand hardhandig hanteer is dit rasisme. As wit mense gemartel en vermoor word, is dit maar ok?

christa

vir wat bel hy vir hulp en daarna verkla hulle

ai tog

Wil iemand dit tog net waag om te sê wat het aanleiding gegee tot die gedrag

Irma

Is hy aangeval en neergegooi, sy tong met ‘n nael gesny aoos die 2 ou mense van Daniëlskuil moes deurgaan? Of die 2 vroue anderkant Pretoria wat met grawe aangerand en vir dood agter gelaat is ? Meeste van hierdie mense is oportuniste wat uitdagend optree en moeilikheid maak om die Malema’s van die lewe klippe te gee om ons mee te gooi. Ongelooflik hoe die media oor sulke mense bly berig en hulle sterkter laat vertoon as wat hulle werklik is. Terwyl dit die kringloop is sal dit seker nooit afneem nie. Hulle voel belangrik.