Video: Uitsmyter rand drie gaste by kuierplek aan

uitsmyter aanrandingWaarskuwing: Die video volg onderaan die artikel en mag sensitiewe lesers ontstel!

Kringtelevisiebeeldmateriaal is op YouTube geplaas wat wys hoe ʼn vermeende uitsmyter drie gaste glo by die Stones-kuierplek in Fourways aanrand, en daarna daaroor spog.

Die video maak groot opslae op sosiale netwerke, berig EWN.

Die video is aanvanklik op die vermeende aanvaller se Facebook-bladsy geplaas, waarna die video deur liveleak.com opgeraap is, met die vermeende aanvaller se inligting.

Shane Myburgh het die video op sy Facebook-blad gelaai en beweer hy was die persoon wat die gaste bygekom het, omdat hulle glo dwelms op die perseel gebruik het. Myburgh het intussen sy Facebook-blad uitgewis.

Die video is met ʼn selfoon van die kringtelevisiebeeldmateriaal geneem. Dit wys hoe drie jong mans iets in die badkamer rook. Dan kom ʼn man, wat vermoedelik Myburgh is, uit ʼn toilet uit en rand die jong mans aan.

ʼn Mens hoor twee mans in die agtergrond praat, een van hulle vermoedelik Myburgh, wat sê hy het hulle geslaan omdat hulle glo dagga gerook het.

Voor Myburgh se Myburgh se Facebook-blad uitgewis is, het hy daarop geskryf hy werk by Stones in Fourways, en hy het sy optrede verdedig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

6 Kommentare

Vas Vat ·

Wat verwag die mense, moes die uitsmyter hulle n soentjie gee, en se “Well DONE” dit is mos baie duidelik dat hulle besig was om n verbode middel te rook.

Jasper ·

As mens op daardie tereine beweeg moet jy die klappe kan vat. Dit is al taal wat die gomgatte verstaan.

annette ·

ok verstaanbaar hulle was stout maar hy het geen reg om hulle so te slaan nie.

Suidwester ·

Dis goed as hulle dagga rook of drugs gebruik slaan die hel uit hulle uit.

Myne ·

Hahaha dit is sooo wat hulle verdien. Maar aan die ander kant die goed is dan vrylik bekombaar in sulke plekke. Maak dan maar die plekke ook toe ek dan is dit die eienaars wat die goed nie uit hul plekke kan hou nie wat eintlik die klappe nodig het.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.