Video van rooftog lei polisie na verdagte

‘n Skermskoot uit die video.

Die Wes-Kaapse polisie het ʼn verdagte in hegtenis geneem nadat ʼn vrou vroeër vandeesmaand langs ’n pad in Muizenberg aangeval en beroof is en ʼn video daarvan wyd op sosiale media versprei is.

Die vrou is op 9 Februarie omstreeks 7:40 in Sunrise Boulevard in Costa da Gama van haar selfoon en handsak beroof. Die voorval is egter eers op 19 Februarie by die polisie aangemeld nadat ʼn video daarvan wyd op sosiale media versprei is.

Lt.kol. Andrè Traut, woordvoerder van die polisie, het gesê polisiebeamptes van die Muizenberg-polisie het die video bestudeer en dat dit hulle gehelp het om ʼn verdagte in hegtenis te neem.

“Die eienaar van die voertuig in die video is in Blouberg opgespoor en die identiteit van die bestuurder ten tyde van die voorval is vasgestel. Die 27-jarige verdagte van Retreat is Vrydagoggend in hegtenis geneem.”

Volgens Traut is daar ook op die motor wat in die rooftog gebruik is beslag gelê. “Die verdagte sal Maandag in die hof verskyn. Die moontlikheid van nog inhegtenisnemings word nie uitgeskakel nie.”

In die video kan gesien word hoe ʼn voertuig langs die vrou stilhou waar sy op die sypaadjie stap. Twee mans spring dan uit die motor en een van hulle gryp die vrou se handsak en spring terug in die motor.

Sy baklei terug teen die ander man voordat hy nog van haar besittings gryp en ook terug in die motor spring en die voertuig wegry. Die vrou gaan sit dan op die sypaadjie nadat die verdagtes gevlug het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
IK

Wat het Lindiwe nou weer gesê vir Australië . . . ?
Onrusbarend ook om te sien dat niemand by haar stop maar met die toestand in hierdie rama-land is dit dalk te verstane.

Willem

Dit raak nou algemeen om mense te beroof met die wegkom kar so byderhand,hulle was tenminste 3 gewees en sy was alleen,skiet jy sit jy in die tronk en is jy jou vuurwapen kwyt en, hulle weet dit,dit gaan vererger omdat niemand iets kan doen nie

Roos

Dis regtig verblydend dat die swerkaters gevang is. Doe so voort!

Irene

Moet sommer 20 jaar sit

Leon Pit

Le die blaam voor die regering en polisie se deur. Hul is die skuldige partye te sleg en vrot van kurupte staatsamptenare.
Jy moet jou self verdedig om te oorleef.