Video: Vragmotor ploeg deur parkeerterrein

Die vragmotor het vanaf die M41 tot in die parkeerterrein van die sentrum gejaag. (Foto: Netcare 911)

Groot skade is aangerig toe ʼn vragmotor deur ʼn parkeerterrein van ʼn winkelsentrum langs die M41 in Mount Edgecombe in KwaZulu-Natal geploeg het.

Minstens drie mense is beseer, het Shawn Herbst, woordvoerder van Netcare 911, gesê.

Die vragmotorbestuurder het Donderdag omstreeks 18:30 beheer oor die vragmotor – met ʼn vol vrag – verloor en met minstens 20 voertuie in die Flanders Mall se parkeerterrein gebots.

Die vragmotor het eindelik langs ʼn muur van die sentrum tot stilstand gekom.

By hul aankoms op die toneel was een van die voertuie onder die vragmotor vasgepen en paramedici kon aanvanklik nie vasstel of daar enige insittendes is nie. Nooddienswerkers sou die voertuie begin skuif sodra die toneel veilig verklaar is.

Die vragmotorbestuurder en die insittendes van twee van die voertuie is lig beseer. Hulle is na nabygeleë hospitale geneem, het Herbst gesê.

Die polisie ondersoek die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Nettie

Nou wonder ek wie se versekering gaan betaal: die voertuig-eienaar(s) s’n, die vervoermaatskappy (aan wie die vragmotor behoort) s’n of die inkopiesentrum s’n?

Santie

Ek net bly alaml is okay en niemand is ernstig beseer nie.

Anne

Die polisie ondersoek altyd so insident, maar hoor ons ooit wat het daarvan gekom? Bitter selde.

Penellope Jones

Wat op aarde is aan die gang met vragmotors en ongelukke?

Waar is die fout – by die bestuurder – is hulle moeg, oorwerk?

by die onderhoud van die vragmotor, – word vragmotors deeglik en gereeld gediens?

by die gehoorsaamheid van verkeersreels – word dit nougeset nagekom of maar geignoreer, is daar nie respek vir ander padgebruikers nie??

Erens is iets verkeerd want daar gaan feitlik nie ‘n dag om dat ‘n vragmotor erens in een of ander ongeluk is nie.
Dieselfde geld vir taxis.

SYLVIA

dis net altyd vir my verstommend dat daar iemand was wat gereed gestaan het om ‘n video te maak? …