Video: Vyf vas ná aanranding in parkeerterrein

’n Skermskoot van die video wat op sosiale media versprei is.

Vyf mense is in Secunda in Mpumalanga in hegtenis geneem in verband met ’n aanranding wat op video vasgevang en op sosiale media versprei is.

In die video kan gesien word hoe ’n groep mense ’n swart man (27) op die grond in ’n parkeerterrein van ’n vulstasie, vermoedelik ’n Sasol, pak en hom skop en slaan.

“Die slagoffer het glo een van die verdagtes, Sonja van Meyeren, gekonfronteer nadat sy haar motor uitgetrek en die slagoffer se motor gestamp het. ’n Argument het tussen die twee ontstaan waarna Meyeren glo ’n oproep gemaak het. Oomblikke later het vier mans op die toneel opgedaag en die man ernstig aangerand.

“Die slagoffer het die voorval kort daarna by die polisie aangemeld,” sê brig. Leonard Hlathi, polisiewoordvoerder.

Dit is nie duidelik wanneer presies die voorval plaasgevind het nie.

Hlathi het die verdagtes intussen as Dean Venter (29), Frank van Meyeren (36), Jonathan Vermeulen (41), Sonja van Meyeren (47) en Johannes Vermeulen (50) identifiseer.

Hy sê hulle is onderskeidelik op 29 en 30 Junie in hegtenis geneem en sal na verwagting vir ’n tweede keer op 27 Julie in die Secunda-landdroshof verskyn.

“Die polisie ondersoek tans ’n saak van aanranding met die opset om te ernstig te beseer.”

Lt.genl. Semakaleng Manamela het die voorval veroordeel en ’n beroep op die publiek gedoen om verdraagsaam teenoor mekaar te wees en nie geskille met geweld op te los nie.

“Gedrag wat ander se lewens bedreig, sal nie geduld word nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

88 Kommentare

jongste oudste gewildste
AndrewL

As jy soos ‘n moeggoe optree, moet jy gaan sit!!

Abraham

Hulle gaan seker tronk toe, maar tog net nie Zuma nie…?

Chrils

Sies

Gerrie

Ja was dit andersom gewees sou niks gebeur het nie ,nog niks gehoor of gesien van persoon in polisie stasie aangerand is nie

Anthony

Mense wat in groepe aanval is sterk, wit en swart.