Video: Wagters sit boef ore aan

Foto: Skermskoot uit die video

Foto: Skermskoot uit die video

Die gemeenskapsforum, SA Crime Watch, het ʼn video op sosiale media gedeel waarin kringtelevisie die oomblik vasvang wanneer ʼn inbreker oor ʼn muur klim voordat twee bulterriërs hom aan sy broek gryp.

Die video wys hoe die man stilletjies oorklim tot in die erf en net voordat hy sy voete op die grond sit, kom twee honde om die hoek gehardloop. Dit lyk eers asof die honde vriendelik naderkom, maar soos wat die man probeer retireer, is dit baie duidelik dat dié twee nie wil speel nie.

Die honde ruk die man grond toe en hy veg verwoed terug om te probeer wegkom. Selfs met ʼn geskop en geslaan weier die honde om te los en die video wys verder hoe die man na ʼn ander deel van die erf hardloop.

Die video is amper 30 000 keer op YouTube gekyk en meer as 1,3 miljoen keer op Facebook, met 3,500 kommentare en dit is 32 000 keer gedeel. Baie mense het ook kommentaar gelewer en gevra oor die welstand van die honde, terwyl ander foto’s van hul bulterriërs gedeel het en meen hulle is die beste waghonde.

Daar is geen ander inligting oor waar die insident plaasgevind het nie, maar inligting onderaan die video dui aan dit het op 12 Januarie 2017 gebeur.

https://youtu.be/b0o_vyr4b08

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
m

Dis reg so want hierdie mense moet begin respek kry vir privaat eiendom..

Laurika

Mooi man! Vanaand gee ek sommer my twee Bullterriers by die huis ‘n extra been. Kom in my erf in en dieselfde sal met jou gebeur.

WitBlits

Mooi so en net vrek jammer dit was nie twee pitbulls gewees nie!

Buitestander

Word niemand aangeklaar van diere mishandelling nie.
Gaan hulle die honde uitsit omdat hulle ‘n skelm beetgekry het?

Mike

Elkeen ‘n sappige biefstuk!