Video wys hoe vragmotor voertuie teen spoed tref

*Waarskuwing: Hierdie video kan sensitiewe kykers ontstel.

Die ongeluk het sowat 35 km buite Ermelo plaasgevind. (Foto: Twitter / SCP Security)

Ysingwekkende beeldmateriaal van ʼn vragmotor wat Dinsdagoggend in digte mis in stilstaande voertuie geploeg het, word nou wyd op sosiale media versprei. Die ongeluk het sowat 35 km buite Ermelo op die eMkhondo (Piet Retief)‑pad in Mpumalanga plaasgevind.

Die vragmotorbestuurder het die voorval wonderbaarlik oorleef.

Op die video kan gesien word hoe motoriste buite stilstaande voertuie staan en vir ʼn skynbaar aankomende voertuig beduie om te stil te hou. Die mense spat dan uitmekaar kort voordat die vragmotor in nog ʼn vragmotor vasry.

Moeti Mmusi, woordvoerder van die provinsiale departement van gemeenskapsveiligheid, sê minstens vier vragmotors en vier ligte voertuie was in die ongeluk betrokke.

Die ongeluk het sowat 35 km buite Ermelo op die eMkhondo (Piet Retief) pad in Mpumalanga plaasgevind. (Foto: Twitter / SCP Security)

Volgens hom was daar glo reeds ʼn ongeluk op dié mistige pad kort voordat die vragmotor ook in die stilstaande voertuie vasgery het. Twee van die vragmotors het glo kop aan kop gebots en die pad versper.

Dit is nie duidelik in watter mate die ander voertuie by die ongeluk betrokke was nie.

“Dit lyk erger as wat dit was. Hoewel die pad Dinsdag gesluit was, is niemand in die voorval dood nie. Twee mense is wel ernstig beseer, van wie een die bestuurder van die vragmotor op die video.

“Die mis was baie dig, wat sigbaarheid belemmer het. Die polisie ondersoek nou die voorval verder.”

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

30 Kommentare

Misky ·

Dis alom bekend dat jy stadig ry in digte mis en jou “hazards” aansit. Die drommel jaag asof 10 duiwels agter hom aan is!!!!! Hoop hy word aangekla en kry lank tronkstraf.

Piet 6 ·

Jy sit nie jou “hazards” aan nie, dit is teen die wet. Dit is waarom voertuie misligte het.

Wondermaarnet ·

ALLE voertuie het nie misligte nie. Die misligte skyn nie agter nie en waar ek bly en op die nasionale pad werk toe ry ry tot die verkeerspolisie met hazards aan. Dit help meer as misligte. Hazards waarsku mense wat agter jou ry om ook stadiger te ry.

Mrs H ·

Teen wet of nie – ek sal alles aan sit wat ek kan vir meer sigbaarheid.

absoluut ·

dink jy mis iets Pieter, hoe duideliker jy sigbaar is of gesien word hoe beter

Blikkies ·

Jammer man, herinner my net gou weer waarom het ‘n motor ‘Hazard’ ligte.

Chris dupreez ·

Jy sit die hazards aan alleenlik as die voertuig stilstaan.

Wondermaarnet ·

Dan moet die verkeerspolisie ook aangespreek word wat met hazards ry in die mis.

E ·

Ek sit my hazards baie vinnig aan as die omstandighede dit vereis. Die wet is nie altyd reg nie. Ja die ou soek vir slae.

Mrs H ·

Dink nie hy het ongeluk oorleef as jy kyk hoe kajuit inmekaar vrommel

Annelize ·

Nou waar het hy geleer om so vinnig te ry in sulke digte mis? Hy behoort van roekelose bestuur aangekla te word. Geen simpatie met hom nie.

Daniel ·

Presies wat die vorige persoon gese het, waar in jou lewe jaag mens so in die digte mis!!?!?? Jy ry teen 20km/h om veilig te wees maar nee, dit is net van toepassing vir sekere mense!! Ongelukkig, waarvan daar heelwat per dag gebeur is agv spoed en roekeloosheid!

Kaal Keiser ·

…reels is mos net van toepassing op sommiges. Ander kan hul net nie steur nie. Dit is mos aanvaarbaar vir die meerdere om padreels teen te gaan ..net omdat hul kan.

marius ·

Hierdie slagtings sal nie ophou nie want die regstelsel is PATETIES !

Jacques ·

Ry daardie pad al van vroë 80’s en veral in die herfs is daar baie mis. Van Bronkhorstspruit af. Die ertstrokke ry soos mal goed. Neem verby in mis op sperstrepe. Geen ontsag vir padreels. Gaan net oor nog ‘n vrag te neem na Richardsbaai. Daar is ‘n toegewyde treinspoor vir steenkool. Die trokoperateurs betaal iemand in ‘n magsposisie om die spoornetwerk buite werking te hou

Petrus Klipkop ·

Absoluut. Ek het dit self ervaar toe ek nog baie in daardie omgewing gereis het. Dit, en motoriste wat jaag wanneer sig nog redelik is, ‘n misbank binnegaan en dan ‘n skielike noodstop uitvoer wanneer die sig in ‘n oogwink verswak. Ek het meer as ‘n paar kop-aan-stert botsings gesien wanneer dit gebeur, en hier en daar ander ongelukke waar die bestuurder beheer verloor oor die voertuig wanneer die persoon skielik ankers gooi.

Wielspore ·

Dit is die nuwe dood op ons paaie, swaarvoertuig bestuurders wat roekeloos ry. Die wet van jare terug toe swaar voertuie slegs 80km/h mag ry is die oplossing om sterftes te verminder.

jlantie ·

Ja dit sal ook nou die verskoning wees vir sy roekeloosheid

Pieter J ·

Hierdie vragte moet per spoor vervoer word maar die ANC het die Spoorweë soos baie ander instellings in ons land ook gekelder.

Pietertjie ·

Trots Suid-Afrikaans. Solank almal hulle maskers dra…

Hasie ·

Padreels is vir die voëls ….Baie bestuurders gun hulself die reg om te maak soos hul wil .My voertuig is groter as joune so…Ek het meer reg as jy.

Nico ·

Dissepline, respek en spoed tel nie meer op die paaie nie. Wanneer ek haastig is ry ek vinnig en onverskulig die volgende motoris moet net pad gee. Die verkeers beamptes is net daar om bripes te onvang, dit is hoekom dit so gaan indien ek gevang word gee net vir beampte ‘n paar rand en daar gaan jy. Dit maak nie saak of dit mistig is nie ek sal sal ry, so ook met reën en die pad is nat.

Swerwer ·

Dit is die probleem, die mis in daardie gebied is so dig dat jy nie voor jou kan sien nie.
Nogsteeds, na al die jare het hul nie geleer om ontsag te hê vir digte mis nie.
Dit help nie om arms te swaai by ‘n stilstaande voertuig nie, die aankomende drywer sien dit
nie eens raak nie. Daar moet minstens 800m van die stilstaande voertuig/e gewaarsku word van die gevaar voor in die pad.

Papsak ·

Ja ry soos maniake ry amper bo oor jou want dit mos hulle paaie wonder hoeveel het pdp en lisensies

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.