Vier buitelanders wat werknemers van die Gupta-familie se ANN7-nuuskanaal opgelei het, is beveel om Suid-Afrika te verlaat, het Beeld Dinsdag berig.
Naledi Pandor, minister van binnelandse sake, het gister in antwoord op ’n parlementêre vraag gesê die departement het “dadelik” opgetree ná bewerings aan die lig gekom het dat buitelanders sonder werkpermitte in diens van die kanaal was.
Volgens ʼn klagte wat die departement ontvang het, was daar agt werknemers sonder werkpermitte.
’n Voorlopige ondersoek deur die departement het bevind dat agt werknemers besoekerspermitte gehad het, en wettig in die land was. Hul permitte laat hulle toe om sakevergaderings by te woon.
“Die departement het vasgestel dat vier van die agt buitelanders al die land verlaat het, en dat die oorblywende vier opleiding aan die werknemers van ANN7 verskaf het, maar nie op hul betaalstaat was nie,” het Pandor gesê.
“Selfs al beskou ANN7 hulle nie as werknemers nie, en al het hulle nie vergoeding ontvang nie, het die departement bevind dat hulle hul permitvoorwaardes verbreek het, en hulle is beveel om die land te verlaat.” – SAPA
Lees ook:
Voormalige Gupta-nuuskanaalredakteur wil alles openbaar
ANN7-redakteur vlug uit land
ANN7 sou glo “pro-ANC” wees
En wat van die miljoene Zimbabwiërs en Mosambiekers ?
Jasper wanneer is dit verkiesing?