Vier dood in gru-botsing

Foto: ER24

Vier mense is dood en talle beseer nadat ’n minibustaxi en ’n vragmotor Maandagoggend by Witbank in Mpumalanga reg van voor gebots het.

Russel Meiring, woordvoerder van ER24, het gesê die botsing het op die R555 in die omgewing van Jackaroo Park plaasgevind. “ER24 se paramedici het omstreeks 7:55 op die toneel aangekom en ander nooddienste was ook reeds daar.”

Volgens Meiring was talle mense steeds in die taxi terwyl ander reeds buite die voertuig was. “Drie mense het noodlottige beserings opgedoen en is op die toneel dood verklaar.”

Talle mense is ernstig beseer. ’n Vrou was in die wrak van die taxi vasgekeer en moes met meganiese toerusting bevry word. “Die kritiek beseerde pasiënte is na nabygeleë hospitale gehaas. Een van die beseerdes is met hul aankoms by die hospitaal dood verklaar.”

Die presiese omstandighede rondom die voorval is nog onduidelik en word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.