Vier dood in N2-botsing

Foto: Twitter

Vier mense is dood en 15 beseer in ʼn botsing Maandagoggend naby Oos-Londen in die Oos-Kaap.

Die botsing tussen ʼn minibustaxi en ʼn motor het op die N2 tussen Hemingway en Gonubie plaasgevind, het Unathi Bhinqosa, woordvoerder van die provinsiale verkeersdepartement, gesê.

Volgens Bhinqosa het die bestuurders van albei voertuie die botsing oorleef. Albei voertuie het vanaf Oos-Londen se rigting gekom toe die botsing plaasgevind het.

Die minibustaxi was vol gelaai terwyl daar drie insittendes in die motor was. Die presiese omstandighede rakende die botsing word ondersoek.

Verkeer is erg ontwrig weens die botsing en motoriste is aangeraai om alternatiewe roetes te oorweeg.

Die departement het ʼn beroep op motoriste gedoen om ekstra versigtig te wees aangesien paaie in die provinsie nat en glibberig is weens reën.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
emily

Alweer n taxi. Mense kan ook nie dink as dit nat is nie.

Alweer

Alweer niks oor die ongeluk op die N12 nie, maar wel ‘n nuwe een oor ‘n ongeluk wat ‘n dag later gebeur het

Jacobus Johannes Cronje

Ek wonder hoeveel taxi’s en vragmotors is jaarliks in ongelukke betrokke

Boet

Waar op die N12

Chris Ws

Altwee voertuie betrokke in die ongeluk beweeg IN DIESELFDE rigting?Hoe de joos vind daar ‘n botsing plaas?Erens was daar ‘n gek agter die stuur dis duidelik.Weet nie wat gebeur het nie e n of die pad nat was nie maar dit maak nog nie saak nie.As die pad nat is ry jy STADIGER as normaal en rek jou volg afstand na dubbel wat dit moet wees op ‘n droe pad.Wonder hoeveel bestuurdes weet dit?