Vier mense is dood nadat twee bakkies op die N1 by Touwsrivier in die Wes-Kaap gebots het.
Drie mense is beseer in die botsing wat Woensdag laatmiddag plaasgevind het.
Volgens Jandré Bakker, woordvoerder van die provinsiale departement van vervoer, het die bakkies reg van voor gebots. Verkeer is erg ontwrig.
Die presiese omstandighede wat aanleiding tot die botsing gegee het, word ondersoek.