Vier kinders se liggame in vrieskas gevind

Argieffoto

Argieffoto

Die liggame van vier kinders is Dinsdagmiddag in ʼn toegesluite boksvrieskas in Ermelo, Mpumalanga aangetref.

Brig. Selvy Mohlala, provinsiale polisiewoordvoerder, het Woensdag aan Maroela Media gesê die kinders, tussen vier en sewe jaar oud, het vermoedelik in die vrieskas gespeel toe hulle daarin toegesluit is, en glo versmoor het.

“Drie seuntjies en ʼn dogtertjie het glo omstreeks 13:30 in Klipbou in die vrieskas gespeel en is daarin vasgekeer,” het Mohlala gesê. “Hulle is eers 17:30 opgespoor, waarna hulle na die naaste hospitaal gehaas is. Hulle is met hul aankoms by die hospitaal dood verklaar.”

Dit is nog nie bekend hoe die vrieskas gesluit het nie.

Die polisie doen ʼn geregtelike doodsondersoek. Niemand is in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.