Vier kritiek ná ontploffing by aanleg

Foto: Netcare 911

Vier mans is in ʼn kritieke toestand nadat ʼn chemiese ontploffing Dinsdagoggend by ʼn herwinningsaanleg in Germiston aan die Oos-Rand plaasgevind het.

Shawn Herbst, woordvoerder van Netcare 911, sê paramedici is omstreeks 08:10 na die perseel in die suide van Germiston ontbied. Daar het hulle vier mans aangetref wat ernstige brandwonde opgedoen het nadat aërosolhouer glo ontplof het.

“Die pasiënte is op die toneel deur paramedici van Netcare 911 en nog ʼn nooddiens behandel,” sê Herbst.

Twee van die beseerdes is per helikopter na ʼn hospitaal vervoer, terwyl die ander twee per ambulans na hospitale gehaas is.

Herbst sê die oorsaak van die ontploffing word nog ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
JP

Ontploffing se oorsaak by so aanleg kan net metaangas wees

Bamsie

Ek wonder of die beseerdes na staarshospitale geneem word met die tekort aan dokters? Help so helikopter rit dan enigsins die arme pasient?

John

Al weer? Die’ fabriek is erg verby. Uitlanders of te nie… die veiligheidstandaarde is zero…

Stripes

Aerosol houer????? Het hulle ‘n blikkie “underarm” op die hotplate vergeet?