Vier mans is in ʼn kritieke toestand nadat ʼn chemiese ontploffing Dinsdagoggend by ʼn herwinningsaanleg in Germiston aan die Oos-Rand plaasgevind het.
Shawn Herbst, woordvoerder van Netcare 911, sê paramedici is omstreeks 08:10 na die perseel in die suide van Germiston ontbied. Daar het hulle vier mans aangetref wat ernstige brandwonde opgedoen het nadat aërosolhouer glo ontplof het.
“Die pasiënte is op die toneel deur paramedici van Netcare 911 en nog ʼn nooddiens behandel,” sê Herbst.
Twee van die beseerdes is per helikopter na ʼn hospitaal vervoer, terwyl die ander twee per ambulans na hospitale gehaas is.
Herbst sê die oorsaak van die ontploffing word nog ondersoek.
Ontploffing se oorsaak by so aanleg kan net metaangas wees
Ek wonder of die beseerdes na staarshospitale geneem word met die tekort aan dokters? Help so helikopter rit dan enigsins die arme pasient?
Al weer? Die’ fabriek is erg verby. Uitlanders of te nie… die veiligheidstandaarde is zero…
Aerosol houer????? Het hulle ‘n blikkie “underarm” op die hotplate vergeet?