Vier metrobeamptes vas oor rooftog

Argieffoto

Argieffoto

Vier Tshwane-metropolisiebeamptes is in hegtenis geneem in verband met ʼn rooftog.

Sr.supt. Isaac Mahamba, woordvoerder van die Tshwane-metropolisie, het gesê die vier beamptes het glo Saterdag ʼn winkel in Soshanguve beroof. Hulle was glo ten tyde van die voorval in uniform en het in twee gemerkte voertuie gery.

Volgens Mahamba het die beamptes glo R2 500 se lugtyd en R500 kontant gesteel. Die voorval is glo deur inwoners by die polisie aangemeld. Die betrokke beamptes is geïdentifiseer en is Sondag in hegtenis geneem nadat hulle vir diens aangemeld het. Die verdagtes sal Dinsdag in die Soshanguve-landdroshof verskyn.

Mahamba het gesê kennisgewings van skorsing sal aan die beamptes uitgereik word. Hulle sal sewe dae hê om redes aan te voer waarom hulle nie geskors moet word nie.

Sewe Tshwane-metropolisiebeamptes is die afgelope sewe dae in hegtenis geneem. Drie beamptes is in hegtenis geneem nadat hulle glo omkoopgeld van motoriste geëis het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
pop

Ten minste doen iemand iets by die Metro om die vrot appels uit te gooi. Mooi so.

Maggie

Sjoe hulle raak nou mak. Probeer nie eers meer anoniem bly nie.

Lillian

Roei die gemors uit, sodat dinge in ons land kan verbeter! Vader weet, GENOEG IS GENOEG!

Anton Smit

As jy al die vrot appels uitgooi is daar nie meer n metro mag oor nie

Petrus Swanepoel

Hoe kry mens misdadigers in die tronk?
Jy werf hulle as Polisie manne dan hoef jy nie speurwerk te doen want hulle maak hulself skuldig aan misdaad.