Vier sterf in gru-botsing

Foto: Verskaf

Foto: Verskaf

Vier mense is dood en minstens tien beseer toe ʼn motor onder ʼn bus beland het.

Kol. Moatshe Ngoepe, woordvoerder van die polisie, het gesê die ongeluk het Saterdag in Giyani in Limpopo plaasgevind.

“Die motor en bus het reg van voor gebots en die motor het onder die bus beland. Die vier insittendes van die motor is op die toneel dood verklaar.”

Ngoepe het gesê die presiese oorsaak van die ongeluk word ondersoek, maar ʼn voorlopige ondersoek het getoon dat een van die voertuie wat in die botsing betrokke was, op ʼn blindehoogte verbygesteek het.

Volgens Ngoepe is minstens tien buspassasiers in die ongeluk beseer. “Die identiteit, geslag en ouderdomme van die oorledenes moet nog bepaal word.”

Ngoepe het gesê die oorledenes is erg vermink in die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Gus Dry

Spoed.?drank misbruik?wonder maar net.

Celia

Sal waardeer as Maroela ons op hoogte sal hou oor die ongeluk – bv was dit die bus of die motor wat op n blindehoogte verbygesteek het?
Die geslag van die oorledenes kon nie eers bepaal word op die toneel nie!
Dink aan die mediese personeel en wat n trauma om op sulke tonele te moet werk- wanneer gaan motoriste stop om so roekeloos en minagtend te bestuur?

janneman

In die foto is dit duidelik die bus staan steeds in sy baan……net nog een by die telling van kop aan kop botsings. Soos Shaun hierbo se, sien dit elke dag op die paaie. Desember tussen Moselbaai en Pretoria mows ons 3 keer aftrek van die pad, al 3 keer taxis wat verbysteek oor soliwde wit lyne, om draaie en op blinde hoogtes. Het nou al aangeleer om spoed te verminder by soliede wit lyne om voorbereid te wees vir die idiotiese bestuurders

anton

Almal wil mos voorry!n Sekonde voor die ander voertuig tel mos baie punte in m idoot se kop. Sien dit baie.

Toyota bo

Eina die arme kar lyk bad.