Foto: Netcare 911
Vier mense is Woensdagaand in ʼn botsing in Krugersdorp aan die Wes-Rand dood.
Paramedici is omstreeks 18:15 na die toneel in Paardekraalweg in Luipaardsvlei ontbied, het Shawn Herbst, woordvoerder van Netcare 911, gesê.
Vier motors was in die botsing betrokke. “Paramedici het vier mense op die toneel dood verklaar en 17 mense is vir matige tot ernstige beserings behandel.”
Volgens Herbst is die beseerdes deur verskeie ambulansdienste na nabygeleë hospitale vervoer vir verdere mediese behandeling.
Die presiese omstandighede rondom die voorval word ondersoek.
Wanneer kom die kar/pad/ gedrag kenners hulle hulle wysheid deel
4 Motors? Met die aantal beseerdes?
Verseker was daar weer ‘n “Doodskis op Wiele” (taxi) betrokke gewees! Die nuwe mini-ster van Vervoer moet wakkerskrik en die slagting op die paaie danksy veral taxis, aan die nek gryp en uitsorteer = vinniger as later want dit is padmoord in vermomming!!!