Vier sterf in Pta-botsing; N4 gesluit

Foto: Netcare 911

Foto: Netcare 911

Minstens vier mense is dood en drie kritiek beseer, ná ʼn gru-botsing Vrydagmiddag tussen ʼn minibustaxi en nog ʼn voertuig op die N4, naby Solomon Mahlangu-rylaan in Pretoria.

Athlenda Mathe, woordvoerder van Netcare 911, het gesê twee mans en twee vroue is op die toneel dood verklaar. Drie ander mense, insluitende ʼn kind, het kritieke beserings opgedoen. Die kind moes per helikopter na ʼn hospitaal in Johannesburg geneem word.

“ʼn Gedeelte van die N4 is tans gesluit en motoriste word aangeraai om van alternatiewe roetes gebruik te maak. Verskeie nooddienste is nog op die toneel,” het sy gesê.

Die oorsaak van die ongeluk is nog nie bekend nie en word deur die polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Corrie

Nog ‘n Taxi betrokke…..dit hou net nie op nie…..arme passasiers!!!

Penellope Jones

Nie ‘n dag gaan verby sonder dat ons erens lees dat ‘n taxi betrokke was in ‘n botsing nie.

T

Wat n ramp. Waar kry hierdie taxi bestuurders hul lisensies vandaan?

Jo

Het hulle eie padreëls

nieBAFUnie

“Die oorsaak van die ongeluk is is nog nie bekend nie en word deur die Polisie ondersoek”. Wat wil hulle ondersoek? Maak oop jul oë en sien daar is ‘n bl………se taxi betrokke!!