Vier sterf in trompop grubotsing naby Klerksdorp

Die voertuie se wrakke. Foto: ER24

Die voertuie se wrakke. Foto: Verskaf

Vier mense, twee mans en twee vroue, is Donderdag in ʼn trompop botsing tussen twee sportnutsvoertuie in Noordwes dood.

Volgens Russel Meiring, woordvoerder van ER24, het die botsing op die N12 tussen Klerksdorp en Wolmaransstad plaasgevind.

“Dit is nog nie duidelik hoe die ongeluk plaasgevind het nie. Die oorsaak van die ongeluk word deur die polisie ondersoek,” het hy gesê.

Met paramedici se aankoms op die toneel is albei voertuie se verfrommelde wrakke in die middel van die pad aangetref. “Albei voertuie het grootskaalse skade tydens die botsing opgedoen. Die oorledenes was in die kajuite van die voertuie vasgekeer en moes deur nooddienswerkers uitgesny word.”

Die liggame van ʼn man en ʼn vrou is in elk van die wrakke gevind. “Niks kon vir hulle gedoen word nie en hulle is op die toneel dood verklaar.” Nog ʼn vrou is in ʼn ernstige toestand in een van die voertuie aangetref. Nooddienswerkers het haar versigtig uit die wrak verwyder, waarna paramedici haar behandel het voor sy na ʼn hospitaal in Wolmaransstad geneem is.

[KKLERKSDORP] - Four killed, one injured in head-on collision (2)

Die voertuie se wrakke. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Linda

EISH SPOED!!!!

Theresa B

Dis vreeslik! Sterkte aan hulle naasbestaandes.

Carel

Die afwesigheid van dissipline is verantwoordelik,

louis

Verbysteek teen n sperstreep en ongeduldigheid teen hoë spoed.

m

Sterkte aan die naasbestaandes.