Nooddienspersoneel moes Maandagaand ure lank spook om die liggame van vier mense uit ʼn wrak van ʼn motor naby Malmesbury in die Wes-Kaap te sny.
Robert Daniels, ʼn woordvoerder van provinsiale nooddienste, het gesê die ongeluk het omstreeks 20:00 op die N7 buite Malmesbury, noord van Kaapstad plaasgevind.
ʼn Motor en vragmotor het mekaar getref. Die oorsaak van die ongeluk is nog nie bekend nie. Die polisie sal ondersoek instel.